നഴ്സുമാർ മാര്ച്ച് നടത്തി

കേരള ഗവ. നഴ്സസ് അസോസിയേഷൻ ജില്ലാ കമ്മിറ്റിയുടെ നേതൃത്വത്തിൽ മെഡിക്കൽ കോളേജ് പ്രിൻസിപ്പല് ഓഫീസിലേക്ക് സംഘടിപ്പിച്ച മാർച്ച് സിഐടിയു സംസ്ഥാന കമ്മിറ്റി അംഗം എം ഗിരീഷ് ഉദ്ഘാടനംചെയ്യുന്നു
കോഴിക്കോട്- കേരള ഗവ. നഴ്സസ് അസോസിയേഷൻ ജില്ലാ കമ്മിറ്റിയുടെ നേതൃത്വത്തിൽ മെഡിക്കൽ കോളേജ് പ്രിൻസിപ്പല് ഓഫീസിലേക്ക് മാർച്ച് സംഘടിപ്പിച്ചു. കോഴിക്കോട് –- ആലപ്പുഴ മെഡിക്കൽ കോളേജുകളിലെ പിഎംഎസ്എസ്-വൈ ബ്ലോക്കിലേക്ക് ഏജൻസി മുഖാന്തരം നഴ്സുമാരെ നിയമിക്കാനുള്ള നീക്കത്തിനെതിരെയായിരുന്നു മാർച്ച്. ബ്ലോക്കിലേക്ക് ആവശ്യമായ തസ്തിക സൃഷ്ടിച്ച് നിയമനം നടത്തണമെന്ന് പ്രതിഷേധക്കാർ ആവശ്യപ്പെട്ടു. സിഐടിയു സംസ്ഥാന കമ്മിറ്റി അംഗം എം ഗിരീഷ് മാർച്ച് ഉദ്ഘാടനംചെയ്തു. ജില്ലാ പ്രസിഡന്റ് കെ സിന്ധു അധ്യക്ഷയായി. സംസ്ഥാന പ്രസിഡന്റ് ഷൈനി ആന്റണി, വൈസ് പ്രസിഡന്റ് കെ പി ഷീന എന്നിവർ സംസാരിച്ചു. ജില്ലാ സെക്രട്ടറി പി പ്രജിത്ത് സ്വാഗതവും ട്രഷറർ കെ കെ സജിത നന്ദിയും പറഞ്ഞു.









0 comments