കെ ടി മുഹമ്മദ് – കെ പ്രഭാകരൻ അനുസ്മരണം

കോഴിക്കോട് പുരോഗമന കലാസാഹിത്യ സംഘം ജില്ലാ കമ്മിറ്റി നേതൃത്വത്തിൽ നാടകകൃത്ത് കെ ടി മുഹമ്മദിന്റെയും ചിത്രകാരൻ കെ പ്രഭാകരന്റെയും അനുസ്മരണം സംഘടിപ്പിച്ചു. എഴുത്തുകാരൻ കെ ഇ എൻ ഉദ്ഘാടനം ചെയ്തു. മാനാഞ്ചിറ ഓപ്പൺ സ്റ്റേജിൽ നടന്ന പരിപാടിയിൽ എ കെ രമേശ് അധ്യക്ഷനായി. ബൈജു ലൈലരാജ് അനുസ്മരണ പ്രഭാഷണം നടത്തി. കേരള സംഗീത നാടക അക്കാദമി പുരസ്കാര ജേതാക്കളായ ജയപ്രകാശ് കുളൂര്‍, കെ ആര്‍ മോഹൻദാസ്, മനോജ് നാരായണൻ, സന്ധ്യ രാമചന്ദ്രൻ, നിധീഷ് പൂക്കാട് എന്നിവരെ ചടങ്ങിൽ ആദരിച്ചു. ഡോ. യു ഹേമന്ത് കുമാര്‍ സ്വാഗതവും എം സി സന്തോഷ് കുമാര്‍ നന്ദിയും പറഞ്ഞു. തുടര്‍ന്ന് അനിൽ പി സി പാലം രചനയും സംവിധാനവും നിര്‍വഹിച്ച ഏകപാത്രനാടകം നോട്ടം അവതരിപ്പിച്ചു. കെ പി ഷൈനി അഭിനയിച്ച നാടകത്തിന്റെ സംഗീതനിയന്ത്രണം നിര്‍വഹിച്ചത് നൗഫൽ മടവൂരാണ്.