കെജിഎൻഎ ജില്ലാ സമ്മേളനത്തിന്‌ തുടക്കം

കോഴിക്കോട്‌

കേരള ഗവ. നഴ്സസ് അസോസിയേഷൻ (കെജിഎൻഎ) ജില്ലാ സമ്മേളനം കൺസ്യൂമർ ഫെഡ് മുൻ ചെയർമാൻ എം മെഹബൂബ് ഉദ്ഘാടനം ചെയ്തു. ജില്ലാ പ്രസിഡന്റ് കെ സിന്ധു അധ്യക്ഷയായി. എഫ്‌എസ്‌ഇടിഒ ജില്ലാ സെക്രട്ടറി ടി സജിത്ത് കുമാർ, കോൺഫെഡറേഷൻ ഓഫ് സെൻട്രൽ ഗവ. എംപ്ലോയീസ് ജോയിന്റ് സെക്രട്ടറി ജിതിൻ പ്രകാശ്, കെജിഎൻഎ സംസ്ഥാന കമ്മിറ്റി അംഗം എ ബിന്ദു, പി ഷാനിഫ് എന്നിവർ സംസാരിച്ചു. സ്വാഗത സംഘം ചെയർമാൻ കെ രാധഗോപി സ്വാഗതവും ജില്ലാ ട്രഷറർ കെ കെ സജിത നന്ദിയും പറഞ്ഞു.

സുഹൃദ് സമ്മേളനം സിഐടിയു സംസ്ഥാന കമ്മിറ്റി അംഗം എം ഗിരീഷ് ഉദ്ഘാടനം ചെയ്തു. എം ദൈത്യേന്ദ്രകുമാർ, സജീഷ് നാരായണൻ, എൻ എം ഷീജ, മഹേഷ് എം എന്നിവർ സംസാരിച്ചു. ജില്ലാ വൈസ് പ്രസിഡന്റ് കെ റീജ അധ്യക്ഷയായി. ജില്ലാ സെക്രട്ടറി പി പ്രജിത്ത് സ്വാഗതവും ജില്ലാ ജോയിന്റ് സെക്രട്ടറി എൻ പി വിനീത് നന്ദിയും പറഞ്ഞു.

പ്രതിനിധി സമ്മേളനം കെജിഎൻഎ സംസ്ഥാന വൈസ് പ്രസിഡന്റ് എം ആർ രജനി ഉദ്ഘാടനം ചെയ്തു. ജില്ലാ വൈസ് പ്രസിഡന്റ് എം ആർ പുഷ്പലത അധ്യക്ഷയായി. സംസ്ഥാന സെക്രട്ടറിയറ്റ് അംഗം ഉണ്ണി ജോസ്, സംസ്ഥാന കമ്മിറ്റി അംഗം പി വി അരുൺ കുമാർ എന്നിവർ സംസാരിച്ചു. എ ടി മഹിജ സ്വാഗതവും വി പി സ്മിത നന്ദിയും പറഞ്ഞു. തുടർന്ന് നടന്ന പ്രകടനത്തിൽ നൂറുകണക്കിന് നഴ്സുമാർ അണിനിരന്നു.