ചുരം സംരക്ഷണഭിത്തിയിൽ 
ലോറിയിടിച്ചു; ഗതാഗതം തടസ്സപ്പെട്ടു

താമരശേരി ചുരത്തിൽ കണ്ടെയ്നർ ലോറി അപകടത്തിൽപ്പെട്ടതിനെ തുടർന്ന് ഗതാഗതം തടസ്സപ്പെട്ടു. പുലർച്ചെ നാലോടെ ചുരം ഏഴാംവളവിലെ സംരക്ഷണഭിത്തിയിൽ കണ്ടെയ്നർ ലോറി ഇടിക്കുകയായിരുന്നു. രാവിലെ ഏഴരയോടെ ക്രെയിൻ ഉപയോഗിച്ച് റോഡിൽനിന്നുമാറ്റി. ​ലോറി നീക്കംചെയ്തെങ്കിലും ചുരത്തിൽ രൂക്ഷമായ ഗതാഗതക്കുരുക്കാണ് അനുഭവപ്പെട്ടത്‌. ചുരം കയറുന്ന വാഹനങ്ങളുടെ നിര ഒന്നാംവളവുമുതൽ ഏഴാംവളവുവരെ നീണ്ടുകിടന്നു. ചുരം ഇറങ്ങുന്ന ഭാഗത്ത് ലക്കിടിമുതൽ താഴേക്ക് ഏഴാംവളവുവരെ കിലോമീറ്ററുകളോളം വാഹനങ്ങൾ കുടുങ്ങിക്കിടന്നു. ​പുലർച്ചെ നാലുമുതൽ ഏഴാംവളവിലൂടെ കടന്നുപോകാൻ സാധിക്കാതിരുന്ന വലിയ ചരക്കുവാഹനങ്ങൾ ഉൾപ്പെടെയുള്ളവ കുരുക്കിലായതാണ് സ്ഥിതി കൂടുതൽ സങ്കീർണമാക്കിയത്. ​ ​