പാഠപുസ്‌തകങ്ങൾ കിട്ടിയില്ല

കോട്ടയം

സ്കൂൾ തുറന്ന് ഒരു മാസം കഴിഞ്ഞിട്ടും സ്കൂളുകളിൽ ആവശ്യത്തിന് പാഠപുസ്തകങ്ങൾ എത്തിയില്ല. ഒന്നുമുതൽ പത്തുവരെ 2, 46, 242 പുസ്തകങ്ങൾക്കാണ്‌ വിദ്യാർഥികൾ കാത്തിരിക്കുന്നത്. പഠനം പ്രക്രിയ സുഗമമായി മുന്നോട്ട് കൊണ്ടുപോകാനാവാതെ അധ്യാപകർ പ്രതസന്ധിയിലാണ്‌. ജില്ലയിൽ -ഒന്നുമുതൽ 10 വരെ ക്ലാസുകളിലായി 13, 08, 576 ഒന്നാംവോളിയം പുസ്തകങ്ങളാണ് വിതരണം ചെയ്യേണ്ടത്. 251 സ്കൂൾ സൊസൈറ്റികൾ വഴിയാണ് വിവിധ സ്കൂളുകളിലേക്കുള്ള പാഠപുസ്തകങ്ങൾ വിതരണം ചെയ്യുന്നത്. വിവിധ ക്ലാസുകളിലെ സംസ്‌കൃതം, മലയാളം, ഇംഗ്ലീഷ്‌ തുടങ്ങിയ പുസ്‌തകങ്ങളാണ്‌ ഇനിയും കിട്ടാനുള്ളത്‌.