മൂഴൂർ ആയുർവേദ ആശുപത്രി 
ഐപി ബ്ലോക്ക് നാടിന് സമർപ്പിച്ചു

അകലക്കുന്നം അകലക്കുന്നം പഞ്ചായത്തിൽ മൂഴൂരിൽ പ്രവർത്തിക്കുന്ന ഗവ. ആയുർവേദ ആശുപത്രിയിൽ നിർമിച്ച ഐപി ബ്ലോക്ക്‌ നാടിന്‌ സമർപ്പിച്ചു. ജോസ് കെ മാണി എംപിയുടെ പ്രാദേശിക വികസന ഫണ്ടിൽനിന്നും മുൻ മുഖ്യമന്ത്രി ഉമ്മൻചാണ്ടിയുടെ ആസ്തി വികസന ഫണ്ടിൽ നിന്നുമുള്ള തുക കൊണ്ടാണ് മുപ്പത് കിടക്കകളുള്ള മൂന്നുനില കെട്ടിടത്തിന്റെ പണി പൂർത്തീകരിച്ചത്. അഡ്വ. ചാണ്ടി ഉമ്മൻ എംഎൽഎ ഉദ്ഘാടനംചെയ്‌തു. പഞ്ചായത്ത് പ്രസിഡന്റ് സിന്ധു അനിൽകുമാർ അധ്യക്ഷയായി. ജില്ലാ പഞ്ചായത്തംഗം ജോസ്‌മോൻ മുണ്ടയ്ക്കൽ, ബ്ലോക്ക് പഞ്ചായത്ത് പ്രസിഡന്റ് ബെറ്റി റോയി മണിയങ്ങാട്ട്, ഭാരതീയ ചികിത്സാവകുപ്പ് ഡിഎംഒ ഡോ. ജെറോം വി കുര്യൻ, ദേശീയ ആയുഷ് മിഷൻ ഡിഎംഒ ഡോ. ശരണ്യ ഉണ്ണികൃഷ്ണൻ, ആരോഗ്യ സ്ഥിരംസമിതി അംഗങ്ങളായ ജാൻസി ബാബു, ശ്രീലത ജയൻ, ജേക്കബ് തോമസ്, ജില്ലാ നിർമിതി കേന്ദ്രം പ്രൊജക്ട് എൻജിനിയർ ലൗലി റോസ് കെ മാത്യു, ബ്ലോക്ക് പഞ്ചായത്തംഗങ്ങളായ ജോബി ജോമി, അശോക് പൂതമന പഞ്ചായത്ത് സെക്രട്ടറി സജിത് മാത്യൂസ്, പഞ്ചായത്തംഗങ്ങളായ ടെസി രാജു, ജീന ജോയി, മാത്തുക്കുട്ടി ആന്റണി, സീമാ പ്രകാശ്, സിജി സണ്ണി, ജോർജ്ജ് തോമസ്, ഷാന്ററി ബാബു, കെ കെ രഘു എന്നിവരും ബെന്നി വടക്കേടം, രാജശേഖരൻ നായർ,വിവിധ രാഷ്ട്രീയ പാർട്ടി പ്രതിനിധികളായ ടോമി മാത്യു ഈരുരിക്കൽ, അഡ്വ. ബിജു പറമ്പകത്ത്, ജെയ്‌മോൻ പുത്തൻപുരയ്ക്കൽ, എം എ ബേബി, ഉണ്ണികൃഷ്ണൻ, വിപി ഫിലിപ്പ് എന്നിവർ സംസാരിച്ചു. പഞ്ചായത്ത് വൈസ് പ്രസിഡന്റ് മാത്തുക്കുട്ടി ഞായർകുളം സ്വാഗതവും, ആശുപത്രി മെഡിക്കൽ ഓഫീസർ ഡോ. അശ്വതി വിശ്വൻ നന്ദിയും പറഞ്ഞു. ജില്ലാ നിർമിതി കേന്ദ്രമാണ് കെട്ടിടത്തിന്റെ പണി നടത്തിയത്. പരേതയായ മറിയാമ്മ ആന്റണി തുളുമ്പൻമാക്കാലാണ് സ്ഥലം സൗജന്യമായി നൽകിയത്.