ആവേശത്തോടെ കൊടിമര ജാഥ

കടുത്തുരുത്തി ​

കർഷകസംഘം ജില്ലാ സമ്മേളനത്തിന്റെ പൊതുസമ്മേളന നഗറിൽ ഉയർത്താനുള്ള കൊടിമര ജാഥ മുട്ടുചിറയിൽ മുൻ സംസ്ഥാന പ്രസിഡന്റ്‌ കെ കെ ജോസഫിന്റെ സ്മൃതിമണ്ഡപത്തിൽ നിന്ന്‌ ആരംഭിച്ചു. ജാഥാനായകൻ കർഷകസംഘം ജില്ലാ വൈസ് പ്രസിഡന്റ്‌ കെ ജയകൃഷ്ണന് സിപിഐ എം ജില്ലാ സെക്രട്ടറിയറ്റംഗം പി കെ ഹരികുമാർ കൊടിമരം കൈമാറി. കർഷക സംഘം ഏരിയ പ്രസിഡന്റ്‌ ടി ടി ഔസേഫ് അധ്യക്ഷനായി. ജില്ലാ സെക്രട്ടറി കെ എം രാധാകൃഷ്ണൻ, സംഘാടക സമിതി ചെയർമാൻ പി വി സുനിൽ, കർഷക സംഘം ഏരിയ സെക്രട്ടറി വി ജി സുരേന്ദ്രൻ, സിപിഐ എം മുതിർന്ന നേതാവ് സി ജെ ജോസഫ്, പി എം തങ്കപ്പൻ, കെ യു വർഗീസ് എന്നിവർ സംസാരിച്ചു.