എംസിഎ പഠനത്തിന് നിംസെറ്റ്; ഇപ്പോള്‍ അപേക്ഷിക്കാം

സ്ഥാപനങ്ങൾ

അഗർത്തല,അലഹബാദ്,ഭോപാൽ,ഡൽഹി,ജംഷെഡ്പൂർ,കുരുക്ഷേത്ര,മേഘാലയ, റായ്പൂർ, തിരുച്ചിറപ്പള്ളി, വാറംഗൽ ,പാറ്റ്ന എന്നീ എൻഐടികളിലും ഭോപ്പാൽ,വഡോദര എന്നീ ഐഐഐടികളിലുമാണ് പ്രവേശനം . 1300 സീറ്റുകളുണ്ട്. ഐടി മേഖലകളിൽ നിരവധി ജോലി സാധ്യതകൾ വാഗ്ദാനം ചെയ്യുന്ന എംസിഎ , മൂന്ന് വർഷ പ്രോഗ്രാമാണ്. മിക്ക സ്ഥാപനങ്ങളിലും എക്സിറ്റ് ഓപ്ഷനുമുണ്ട്. ​

യോഗ്യത ​

മൊത്തം 60 ശതമാനം മാർക്കിൽ കുറയാതെ അല്ലെങ്കിൽ 10- പോയിന്റ് സ്കെയിലിൽ 6.5 സിജിപിഎയോടുകൂടിയ കുറഞ്ഞത് മൂന്ന് വർഷത്തെ ദൈർഘ്യമുള്ള ഏതെങ്കിലും ബിരുദം അല്ലെങ്കിൽ അംഗീകൃത സർവകലാശാലയിൽനിന്നോ സ്ഥാപനത്തിൽനിന്നോ ബിഇ/ ബിടെക് ബിരുദതലത്തില്‍ ഗണിതം/സ്റ്റാറ്റിസ്റ്റിക്സ് ഒരു വിഷയമായി പഠിച്ചിരിക്കണം. (എസ്‌സി/എസ്ടി/ഭിന്നശേഷിക്കാർക്ക്‌ 55 ശതമാനം മാർക്ക് അല്ലെങ്കിൽ 10- പോയിന്റ് സ്കെയിലിൽ 6.0 സിജിപിഎ). ഓപ്പൺ യൂണിവേഴ്സിറ്റികളിൽനിന്ന് മാത്തമാറ്റിക്സ്/സ്റ്റാറ്റിസ്റ്റിക്സ് ഒരു വിഷയമായി പഠിച്ച് കുറഞ്ഞത് മൂന്ന് വർഷത്തെ യുജിസി/എഐസിടിഇ അംഗീകരിച്ച ബിരുദം പൂർത്തിയാക്കിയവർക്കും അപേക്ഷിക്കാം. ​

പരീക്ഷ ജൂൺ 6ന്‌

നിംസെറ്റ്- 2026 പരീക്ഷ ജൂൺ ആറിന്‌ പകൽ രണ്ടുമുതല്‍ നാലുവരെ ഓണ്‍ലൈനായി നടത്തും. മെയ്‌ 27 മുതൽ അഡ്മിറ്റ് കാർഡുകൾ ഡൗൺലോഡ് ചെയ്യാം. 42 പരീക്ഷാ കേന്ദ്രങ്ങളുണ്ട്‌. കേരളത്തില്‍ കോഴിക്കോടാണ് പരീക്ഷാ കേന്ദ്രം. യോഗ്യത നേടിയവർക്ക്‌ ജൂൺ 30 മുതൽ ജൂലൈ മൂന്നുവരെ കൗൺസലിങ് പ്രക്രിയയ്ക്ക് അപേക്ഷിക്കാം. റാങ്കുകളുടെ ക്രമത്തിൽ വിദ്യാർഥികൾക്ക് അവരുടെ ചോയിസ് അടിസ്ഥാനത്തിൽ സീറ്റുകൾ അനുവദിക്കും. വിവരങ്ങള്‍ക്ക്: - https://nimcet.admissions.nic.in , ഫോൺ: 9003515952, 9043514952.