ഇന്ത്യൻ വ്യോമസേന റിക്രൂട്ട്‌മെന്റ്: പരീക്ഷാഫലം പ്രഖ്യാപിച്ചു; സ്കോർ പരിശോധിക്കേണ്ടത് എങ്ങനെ? അറിയാം

ന്യൂഡൽഹി: ഇന്ത്യൻ വ്യോമസേനയുടെ എയർഫോഴ്‌സ് കോമൺ അഡ്മിഷൻ ടെസ്റ്റ് (AFCAT) 2026 ന്റെ ഫലം പ്രഖ്യാപിച്ചു. afcat.edcil.co.in എന്ന ഔദ്യോഗിക വെബ്സൈറ്റ് വഴി ഉദ്യോഗാർഥികൾക്ക് പരീക്ഷാ ഫലം പരിശോധിക്കാം. മെറിറ്റ് ലിസ്റ്റ് ഡൗൺലോഡും ചെയ്യാം.

ഈ വർഷത്തെ റിക്രൂട്ട്‌മെന്റ് ഡ്രൈവിൽ ഗ്രൂപ്പ് എ ഗസറ്റഡ് ഓഫീസർ തസ്തികകളിലേക്കുള്ള 340 ഒഴിവുകൾ നികത്തും. ഫ്ലൈയിംഗ് ബ്രാഞ്ച്, ഗ്രൗണ്ട് ഡ്യൂട്ടി (ടെക്‌നിക്കൽ) ബ്രാഞ്ച്, ഗ്രൗണ്ട് ഡ്യൂട്ടി (നോൺ-ടെക്‌നിക്കൽ) ബ്രാഞ്ച് എന്നീ വിഭാഗങ്ങളിലായാമ് ഒഴിവുകളുള്ളത്.

AFCAT ഫലം 2026 എങ്ങനെ പരിശോധിക്കാം

• ഘട്ടം 1: afcat.edcil.co.in എന്ന ഔദ്യോഗിക വെബ്‌സൈറ്റിലേക്ക് പോകുക.

• ഘട്ടം 2: ഹോംപേജിൽ AFCAT-01/2026 ഫലം പ്രഖ്യാപിച്ചിട്ടുണ്ടെന്ന് വ്യക്തമാക്കുന്ന ലിങ്കിൽ ക്ലിക്ക് ചെയ്യുക.

• ഘട്ടം 3: ലോഗിൻ പേജിലേക്ക് റീഡയറക്‌ട് ചെയ്യും.

• ഘട്ടം 4: നിങ്ങളുടെ രജിസ്റ്റർ ചെയ്ത ഇമെയിൽ ഐഡിയും പാസ്‌വേഡും നൽകുക.

• ഘട്ടം 5: നിങ്ങളുടെ AFCAT 01/2026 സ്കോർകാർഡ് സ്ക്രീനിൽ ദൃശ്യമാകും. ഭാവി റഫറൻസിനായി ഒന്നിലധികം പകർപ്പുകൾ ഡൗൺലോഡ് ചെയ്ത് സൂക്ഷിക്കുക.

ഉദ്യോഗാർത്ഥിയുടെ പേര്, രജിസ്ട്രേഷൻ നമ്പർ, ഓരോ വിഭാഗത്തിലും ലഭിച്ച മാർക്കുകൾ, ആകെ ലഭിച്ച സ്കോർ, കട്ട്ഓഫ് മാർക്ക് തുടങ്ങിയ വിശദാംശങ്ങൾ സ്കോർകാർഡിലുണ്ടാകും. കൂടാതെ, അടുത്ത ഘട്ടത്തിലേക്കുള്ള യോഗ്യതാ നിലയും വിഭാഗം തിരിച്ചുള്ള റാങ്കിംഗും ഇതിലൂടെ അറിയാൻ സാധിക്കും. നിർദ്ദിഷ്ട കട്ട്ഓഫ് മാർക്കിന് തുല്യമോ അതിൽ കൂടുതലോ സ്കോർ നേടിയവരെയാണ് അടുത്ത ഘട്ടമായ എയർഫോഴ്സ് സെലക്ഷൻ ബോർഡ് (AFSB) പരിശോധനയ്ക്കായി ഷോർട്ട്‌ലിസ്റ്റ് ചെയ്യുക.