എസ്‌എസ്‌സി വിജ്ഞാപനം: 1,340 ജൂനിയർ എൻജിനിയർ

1340 ജൂനിയർ എൻജിനിയർ ഒഴിവുകളിലേക്ക്‌ സ്റ്റാഫ് സെലക്ഷൻ കമീഷൻ (എസ്‌എസ്‌സി) വിജ്ഞാപനം. സിവിൽ, മെക്കാനിക്കൽ, ഇലക്ട്രിക്കൽ സ്‌ട്രീമുകളിലാണ്‌ അവസരം. യോഗ്യത: അംഗീകൃത സർവകലാശാല/സ്ഥാപനത്തിൽനിന്ന് ബന്ധപ്പെട്ട സ്‌ട്രീമിൽ എൻജിനിയറിങ്‌ ബിരുദം, എൻജിനിയറിങ്‌. മേഖലകളിൽ മൂന്ന് വർഷത്തെ ഡിപ്ലോമ. പ്രായം: 27 –- 32 വയസ്‌. നിയമാനുസൃത ഇളവ്‌ ലഭിക്കും.

അപേക്ഷാ ഫീസ്: 100 രൂപ. എസ്‌സി/എസ്ടി/പിഎച്ച്/സ്ത്രീകൾക്ക് ഫീസില്ല. ബോർഡർ റോഡ്‌സ്‌ ഓർഗനൈസേഷൻ, ബ്രഹ്മപുത്ര ബോർഡ്‌ (മിനിസ്‌ട്രി ഓഫ്‌ ജൽശക്തി), സെൻട്രൽ വാട്ടർ കമീഷൻ, സെൻട്രൽ പബ്ലിക്‌ വർക്‌സ്‌ ഡിപ്പാർട്ട്‌മെന്റ്‌, സെൻട്രൽ വാട്ടർ ആൻഡ്‌ പവർ റിസേർച്ച്‌ സ്‌റ്റേഷൻ, ഡിജിക്യുഎ –- നേവൽ (മിനിസ്‌ട്രി ഓഫ്‌ ഡിഫൻസ്‌), ഫറാക്ക ബാറേജ്‌ പ്രോജക്ട്‌ (മിനിസ്‌ട്രി ഓഫ്‌ ജൽ ശക്തി), മിലിട്ടറി എൻജിനിയർ സർവീസസസ്‌ (എംഇഎസ്‌), നാഷണൽ ടെക്‌നിക്കൽ റിസേർച്ച്‌ ഓർഗനൈസേഷൻ (എൻടിആർഒ) എന്നിവിടങ്ങളിലാണ്‌ അവസരം.

കംപ്യൂട്ടർ അധിഷ്‌ഠിത പരീക്ഷ (സിബിഇ), അഭിമുഖം, പ്രമാണ പരിശോധന എന്നിവയുടെ അടിസ്ഥാനത്തിലാണ്‌ തിരഞ്ഞെടുപ്പ്‌. കേരളം ഉൾപ്പെടുന്ന കർണാടകം –-കേരളം –- ലക്ഷദ്വീപ്‌ റീജണിൽ എറണാകുളം, കൊല്ലം, കോട്ടയം, കോഴിക്കോട്‌, തിരുവനന്തപുരം, തൃശൂർ, കണ്ണൂർ എന്നിവിടങ്ങളിൽ പരീക്ഷാകേന്ദ്രങ്ങളുണ്ട്‌. www.ssc.gov.inൽ ജൂലൈ 21 വരെ ഓൺലൈനായി അപേക്ഷിക്കാം.