സെബിയിൽ ‘എ’ ഗ്രേഡ് ഓഫീസർ

സെക്യൂരിറ്റീസ് ആൻഡ് എക്സ്ചേഞ്ച് ബോർഡ് ഓഫ് ഇന്ത്യ (SEBI) ഓഫീസർ ഗ്രേഡ് എ (അസിസ്റ്റന്റ് മാനേജർ) തസ്തികകളിലേക്ക് അപേക്ഷ ക്ഷണിച്ചു. 110 ഒഴിവുകളിലാണ് നിയമനം. ജനറൽ, ലീഗൽ, ഇൻഫർമേഷൻ ടെക്നോളജി, റിസർച്ച്, ഔദ്യോഗിക ഭാഷ, എൻജിനിയറിങ്‌ (ഇലക്ട്രിക്കൽ, സിവിൽ) തുടങ്ങി വിവിധ സ്ട്രീമുകളിലാണ് അവസരങ്ങൾ. sebi.gov.in എന്ന ഔദ്യോഗിക വെബ്സൈറ്റ് വഴി ഓൺലൈനായി അപേക്ഷിക്കാം.

പരമാവധി രണ്ട് സ്ട്രീമുകളിലേക്ക് ഒരാൾക്ക്‌ അപേക്ഷിക്കാം. ഓരോ സ്ട്രീമിനും പ്രത്യേകം അപേക്ഷ സമർപ്പിക്കുകയും ഫീസ് അടയ്ക്കുകയും വേണം. പ്രായപരിധി: ​2025 സെപ്തംബർ 30-ന് 30 വയസ്‌ കവിയരുത്. (ഒക്ടോബർ 1, 1995-നോ അതിനുശേഷമോ ജനിച്ചവർക്ക് അപേക്ഷിക്കാം). നിയമാനുസൃത ഇളവ്‌ ലഭിക്കും. തെരഞ്ഞെടുപ്പ് മൂന്ന് ഘട്ടങ്ങളിലായിരിക്കും: ​ഫേസ് I: ഓൺലൈൻ പരീക്ഷ, ​ഫേസ് II: ഓൺലൈൻ പരീക്ഷ, ​ഫേസ് III: അഭിമുഖം (Interview). ഫേസ് I ഓൺലൈൻ പരീക്ഷാ തീയതി 2026 ജനുവരി 10നും ഫേസ് II ഓൺലൈൻ പരീക്ഷാ തീയതി ഫെബ്രുവരി 21നുമായിരിക്കും. ഓൺലൈൻ അപേക്ഷ സമർപ്പിക്കാനുള്ള അവസാന തീയതി നവംബർ 28. വെബ്സൈറ്റ്: https://www.sebi.gov.in.