ബോർഡർ റോഡ്‌സിൽ 542 ഒഴിവ്: അപേക്ഷ ഇന്നുകൂടി

ബോർഡർ റോഡ്‌സ് ഓർഗനൈസേഷൻ (BRO) മൾട്ടി-സ്കിൽഡ് വർക്കർ (MSW), വെഹിക്കിൾ മെക്കാനിക് തസ്തികകളിലേക്ക് തിങ്കളാഴ്‌ചകൂടി അപേക്ഷിക്കാം. ആകെ 542 ഒഴിവാണുള്ളത്. ​​​യോഗ്യത: ഐടിഐ, 10-ാം ക്ലാസ് ജയം. പ്രായപരിധി: തസ്തികയനുസരിച്ച് 18– 27 വയസ്. നിയമാനുസൃത ഇളവ് ലഭിക്കും. അപേക്ഷ ഫീസ്: ജനറൽ/ഒബിസി/ ഇഡബ്ല്യുഎസ് വിഭാഗത്തിന്: 50 രൂപ. എസ്‌സി/ എസ്ടി/ പിഡബ്ല്യുഡി വിഭാഗത്തിന് ഫീസില്ല. ചില സംസ്ഥാനങ്ങളിൽ ഡിസംബർ 09 വരെ അപേക്ഷിക്കാം. എഴുത്തുപരീക്ഷ, ശാരീരിക കാര്യക്ഷമതാ പരിശോധന, പ്രാക്ടിക്കൽ / ട്രേഡ് ടെസ്റ്റ്, മെഡിക്കൽ മാനദണ്ഡങ്ങൾ എന്നിവയുടെ അടിസ്ഥാനത്തിലാണ് തെരഞ്ഞെടുപ്പ്. ഇംഗ്ലീഷിലുള്ള അപേക്ഷ ഓഫ്‌ലൈനായി സമർപ്പിക്കണം. കവറിന്റെ മുകളിൽ "application" എന്ന്‌ വിഭാഗം തരംതിരിച്ച്‌ മുകളിൽ എഴുതണം. വിവരങ്ങൾക്കും അപേക്ഷാ ഫോമിനും www.bro.gov.in സന്ദർശിക്കുക.