അപ്രന്റിസ് ഒഴിവ്

ഭാരത് ഹെവി ഇലക്ട്രിക്കൽസിൽ (ഭേൽ ഭോപ്പാൽ) അപ്രന്റീസ് റിക്രൂട്ട്‌മെന്റ്. ഗ്രാജുവേറ്റ്‌ 39, ഡിപ്ലോമ: 21, ഐടിഐ: 100 എന്നിങ്ങനെയാണ്‌ അവസരം. ഗ്രാജുവേറ്റ്‌ ആൻഡ്‌ ടെക്‌നീഷ്യൻ (ഡിപ്ലോമ) ഒഴിവുകൾ: സിവിൽ എൻജിനിയറിങ്‌, കംപ്യൂട്ടർ സയൻസ് എൻജിനിയറിങ്‌, ഇലക്ട്രിക്കൽ എൻജിനിയറിങ്‌, ഇലക്ട്രോണിക്സ് & കമ്യൂണിക്കേഷൻ എൻജിനിയറിങ്‌, മെക്കാനിക്കൽ എൻജിനിയറിങ്‌, ബിസിനസ് അഡ്മിനിസ്ട്രേഷൻ ബിരുദം (ബിബിഎ). ഐടിഐ ഒഴിവുകൾ: ഇലക്ട്രീഷ്യൻ, ഫിറ്റർ, മെഷിനിസ്റ്റ്, ടർണർ, വെൽഡർ, ഇലക്ട്രോപ്ലേറ്റർ. യോഗ്യത: ഗ്രാജുവേറ്റ് & ടെക്നീഷ്യൻ (ഡിപ്ലോമ) അപ്രന്റീസ് – എഐസിടിഇ അംഗീകരിച്ച ഇൻസ്റ്റിറ്റ്യൂട്ട് /യൂണിവേഴ്സിറ്റിയിൽ നിന്ന് ബന്ധപ്പെട്ട ബ്രാഞ്ചിൽ 70% മാർക്കോടെ (എസ്‌സി/എസ്‌ടി 60%) ബാച്ചിലേഴ്സ് ബിരുദം (ബിഇ/ബിടെക്‌/ബിബിഎ).

ടെക്നീഷ്യൻ അപ്രന്റീസ്‌: എഐസിടിഇ അംഗീകരിച്ച ഇൻസ്റ്റിറ്റ്യൂട്ടിൽനിന്നോ യൂണിവേഴ്സിറ്റിയിൽനിന്നോ ബന്ധപ്പെട്ട ബ്രാഞ്ചിൽ എൻജിനിയറിങ്‌ ഡിപ്ലോമ. ഐടിഐ അപ്രന്റീസ് – പത്താം ക്ലാസ്, മധ്യപ്രദേശിലെ അംഗീകൃത സ്ഥാപനത്തിൽനിന്ന് ബന്ധപ്പെട്ട ട്രേഡിൽ 60% മാർക്കോടെ (എസ്‌സി/എസ്‌ടി 55 %)ഐടിഐ എൻസിവിടി. ഒരു വ്യവസായത്തിൽ മുമ്പ് അപ്രന്റീസ്ഷിപ്പ് നേടിയവരോ അപ്രന്റീസ്ഷിപ്പ് പരിശീലനം നേടുന്നവരോ അപേക്ഷിക്കുന്ന സമയത്ത് ഒരു വർഷമോ അതിൽ കൂടുതലോ ജോലി പരിചയമുള്ളവരോ അപേക്ഷിക്കാൻ യോഗ്യരല്ല. പ്രായപരിധി: 14 – 27 വയസ്. നിയമാനുസൃത ഇളവ്‌ ലഭിക്കും. എഴുത്തുപരീക്ഷ/ഓൺലൈൻ പരീക്ഷ, സ്കിൽ ടെസ്റ്റ്/ഫിസിക്കൽ ടെസ്റ്റ്, പ്രമാണ പരിശോധന, വൈദ്യപരിശോധന എന്നിവയുടെ അടിസ്ഥാനത്തിലാണ്‌ തെരഞ്ഞെടുപ്പ്‌. ഓൺലൈൻ അപേക്ഷയുടെ അവസാന തീയതി: ഡിസംബർ 24. വെബ്സൈറ്റ്: bpl.bhel.com.



ഡിപ്ലോമ/ഗ്രാജുവേറ്റ് അപ്രന്റീസ് ട്രെയിനികളുടെ 94 ഒഴിവുകളിലേക്ക്‌ നോർത്തേൺ കോൾഫീൽഡ്സ് (എൻ‌സി‌എൽ) റിക്രൂട്ട്‌മെന്റ്. ബാച്ചിലർ ഓഫ് കൊമേഴ്‌സ് (ബികോം) 26, ഡിപ്ലോമ ഇൻ സിവിൽ എൻജിനിയറിങ്‌ 68 എന്നിങ്ങനെയാണ്‌ അവസരം. അംഗീകൃത സർവകലാശാലയിൽനിന്ന് റെഗുലർ കൊമേഴ്‌സ് ബിരുദം അല്ലെങ്കിൽ എഐസിടിഇ/സംസ്ഥാന സാങ്കേതിക ബോർഡിൽ നിന്ന് സിവിൽ എഞ്ചിനീയറിംഗിൽ ഡിപ്ലോമ, യോഗ്യത: ബന്ധപ്പെട്ട വിഷയത്തിൽ മുഴുവൻ സമയ റെഗുലർ ഡിപ്ലോമ. 2021 ജൂണിനുമുമ്പ് ബിരുദം/ഡിപ്ലോമ പാസായിരിക്കരുത്. അപ്രന്റീസ്ഷിപ്പ് നിയമം അനുസരിച്ച് വ്യവസായത്തിൽ അപ്രന്റീസ്ഷിപ്പ് പരിശീലനം/ഒരു വർഷമോ അതിൽ കൂടുതലോ ജോലി പരിചയം ഉണ്ടെങ്കിൽ, ഫലപ്രഖ്യാപന തീയതി മാർക്ക് ഷീറ്റിൽ പരാമർശിച്ചിട്ടില്ലെങ്കിൽ, അപേക്ഷകൻ അപേക്ഷാ ഫോം പിന്തുടർന്ന കോളേജ്/ഇൻസ്റ്റിറ്റ്യൂട്ടിന്റെ പ്രിൻസിപ്പലിൽ നിന്ന് ഫലം പ്രസിദ്ധീകരിച്ച തീയതി സൂചിപ്പിക്കുന്ന സർട്ടിഫിക്കറ്റ് സമർപ്പിക്കണം. പ്രായപരിധി: 18–26 വയസ്‌. അപേക്ഷാ ഫീസ് ഇല്ല. ഷോർട്ട്‌ ലിസ്‌റ്റ്‌, മെറിറ്റ്‌ ലിസ്‌റ്റ്‌, അഭിമുഖം എന്നിവയുടെ അടിസ്ഥാനത്തിലാണ്‌ തെരഞ്ഞെടുപ്പ്‌. എൻ‌സി‌എല്ലിന്റെ ഏതെങ്കിലും സ്ഥാപനത്തിലെ ജീവനക്കാരായിരിക്കരുത്‌. https://portal.mhrdnats.gov.inൽ രജിസ്റ്റർ ചെയ്യണം. അവസാന തീയതി: ഡിസംബർ 23.