ബിഎസ്എൻഎല്ലിൽ 120 സീനിയർ എക്സിക്യൂട്ടീവ് ട്രെയിനി

ഭാരത് സഞ്ചാർ നിഗം ലിമിറ്റഡ് (ബിഎസ്‌എൻഎൽ) ടെലികോം, ഫിനാൻസ് സ്ട്രീമുകളിൽ 120 സീനിയർ എക്സിക്യൂട്ടീവ് ട്രെയിനി (SET) തസ്തികകളിലേക്ക് നേരിട്ടുള്ള നിയമനത്തിന് അപേക്ഷ ക്ഷണിച്ചു. എൻജിനിയറിങ്‌ ബിരുദധാരികൾക്കും ചാർട്ടേഡ് അക്കൗണ്ടന്റുമാർക്കും കോസ്റ്റ് ആൻഡ് മാനേജ്‌മെൻ്റ് അക്കൗണ്ടൻസി ) യോഗ്യതയുള്ളവർക്കും അപേക്ഷിക്കാം. തെരഞ്ഞെടുക്കപ്പെടുന്ന ഉദ്യോഗാർത്ഥികളെ 24900 - – 50500 രൂപയുടെ IDA ശമ്പള സ്കെയിലിൽ (E-3) നിയമിക്കും. ഒഴിവു വിവരങ്ങൾ: സീനിയർ എക്സിക്യൂട്ടീവ് ട്രെയിനി (ടെലികോം)95, സീനിയർ എക്സിക്യൂട്ടീവ് ട്രെയിനി (ഫിനാൻസ്)25. യോഗ്യത: ടെലികോം സ്ട്രീം– ഇലക്ട്രോണിക്സ്, ഇലക്ട്രോണിക്സ് & ടെലികമ്യൂണിക്കേഷൻ, കംപ്യൂട്ടർ സയൻസ്, ഇൻഫർമേഷൻ ടെക്നോളജി, ഇലക്ട്രിക്കൽ, ഇൻസ്ട്രുമെന്റേഷൻ എന്നിവയിലേതെങ്കിലും വിഷയത്തിൽ കുറഞ്ഞത് 60% മാർക്കോടെയുള്ള എൻജിനിയറിങ്‌ ബിരുദം. ഫിനാൻസ് സ്ട്രീം: സിഎ അല്ലെങ്കിൽ സിഎംഎ. പ്രായപരിധി: അപേക്ഷകർക്ക് 2026 മാർച്ച് 7-ന് 21 –30 വയസ് . സംവരണ വിഭാഗക്കാർക്ക് നിയമാനുസൃത ഇളവ്‌ ലഭിക്കും. അപേക്ഷാ ഫീസ്: : 2500 രൂപ. എസ്‌സി/എസ്‌ടി/പിഡബ്ല്യുബിഡി വിഭാഗക്കാർക്ക്: 1250 രൂപ. തെരഞ്ഞെടുപ്പ് രീതി: കംപ്യൂട്ടർ അധിഷ്ഠിത മൾട്ടിപ്പിൾ ചോയ്‌സ് ഒബ്ജക്റ്റീവ് പരീക്ഷയിലൂടെയാണ് തെരഞ്ഞെടുപ്പ് . പരീക്ഷയിൽ ആപ്റ്റിറ്റ്യൂഡ്, സാങ്കേതിക വിഷയങ്ങൾ എന്നിവ ഉൾപ്പെടുന്നു. തെരഞ്ഞെടുക്കപ്പെട്ടവർക്ക് ഡോക്യുമെന്റ് വെരിഫിക്കേഷനും വൈദ്യപരിശോധനയും ഉണ്ടായിരിക്കും. ഫെബ്രുവരി 5 മുതൽ മാർച്ച് 7 വരെ ഓൺലൈനായി അപേക്ഷിക്കാം. സിബിടി തീയതി മാർച്ച്‌ 29ന്‌ ആയിരിക്കും. ബോണ്ടും പ്രൊബേഷനും: നിയമിതരാകുന്ന ഉദ്യോഗാർഥികൾ അഞ്ച് വർഷത്തേക്ക് ബിഎസ്എൻഎല്ലിൽ സേവനമനുഷ്ഠിക്കാമെന്ന വ്യവസ്ഥയിൽ 9 ലക്ഷം രൂപയുടെ ബോണ്ട് സമർപ്പിക്കണം. രണ്ട് വർഷത്തെ പ്രൊബേഷൻ കാലയളവും ഒരു വർഷത്തെ പരിശീലനവും ഉണ്ടായിരിക്കും. കൂടുതൽ വിവരങ്ങൾക്കും ഓൺലൈൻ അപേക്ഷ സമർപ്പിക്കുന്നതിനും ഔദ്യോഗിക വെബ്സൈറ്റുകളായ www.bsnl.co.in അല്ലെങ്കിൽ www.externalexam.bsnl.co.in കാണുക.