യമനിൽ ചാരക്കേസിൽ 17 പേരെ വെടിവെച്ച് കൊല്ലാൻ ഉത്തരവ്

സന: ചാരപ്രവർത്തനം ആരോപിക്കപ്പെട്ട 17 പേരെ യെമനിലെ ഹൂതി കോടതിവധശിക്ഷയ്ക്ക് വിധിച്ചു. തലസ്ഥാന നഗരിയായ സനയിലെ പ്രത്യേക ക്രിമിനൽ കോടതിയാണ് വിധി പുറപ്പെടുവിച്ചത്. 

വധിശിക്ഷ വിധിക്കപ്പെട്ടവർ "അമേരിക്കൻ, ഇസ്രായേലി, സൗദി എന്നീ രാജ്യങ്ങളുടെ ഇന്റലിജൻസുമായി ബന്ധപ്പെട്ട ഒരു ചാര ശൃംഖലയിലെ സെല്ലുകളിൽ" ഉൾപ്പെട്ടവരായിരുന്നുവെന്ന് കോടതി പറഞ്ഞു, പരസ്യമായി വെടിവയ്പ്പ് നടത്തിയാണ് വധശിക്ഷ നടപ്പാക്കുക.

ഒരു പുരുഷനും സ്ത്രീക്കും 10 വർഷം തടവും കോടതി വിധിച്ചു. മറ്റൊരു പ്രതിയെ കുറ്റവിമുക്തനാക്കിയതായും യമൻ വാർത്താ ഏജൻസിയായ സബ റിപ്പർട് ചെയ്തു.

സൗദി അറേബ്യ, ബ്രിട്ടൻ, അമേരിക്ക എന്നിവിടങ്ങളിൽ നിന്നുള്ള ഇന്റലിജൻസ് ഉദ്യോഗസ്ഥരുമായും ഇസ്രായേലിന്റെ മൊസാദ് ഇന്റലിജൻസ് സർവീസുമായും പ്രതികൾ സഹകരിച്ചുവെന്ന് പ്രോസിക്യൂട്ടർമാർ പറഞ്ഞു.

കഴിഞ്ഞ രണ്ട് വർഷത്തിനിടയിൽ, ഐക്യരാഷ്ട്രസഭയിലെയും അന്താരാഷ്ട്ര സഹായ ഗ്രൂപ്പുകളിലെയും വിദേശ എംബസികളിലെയും ഉദ്യോഗസ്ഥർക്കും പ്രവർത്തകർക്കും നേരെ ചാര പ്രവർത്തന ആരോപണം ഉന്നയിച്ചിരുന്നു.