സുനിതയും ബുച്ചും ബുധനാഴ്ച മടങ്ങും; സ്പേസ് എക്സ് ക്രൂ 10 വിക്ഷേപിച്ചു- വീഡിയോ
PHOTO: X/Space X
ഫ്ലോറിഡ: അന്താരാഷ്ട്ര ബഹിരാകാശ നിലയത്തിൽ കുടുങ്ങിക്കിടക്കുന്ന ബഹിരാകാശ യാത്രികരായ സുനിത വില്യംസിനെയും ബുച്ച് വിൽമോറിനെയും തിരിച്ചെത്തിക്കാനുള്ള സ്പേസ് എക്സ് ക്രൂ 10 വിക്ഷേപിച്ചു. ഇന്ത്യൻ സമയം ശനിയാഴ്ച രാവിലെ 4.33നാണ് ഫ്ലോറിഡയിലെ കെന്നഡി സ്പേസ് സെന്ററിൽ നിന്നാണ് ഫാൽക്കൻ 9 റോക്കറ്റ് വിക്ഷേപിച്ചത്.
ആനി മക്ലിൻ, നിക്കോളാസ് അയേഴ്സ് (നാസ), ടക്കുയ ഒനിഷി (ജപ്പാൻ), കിറിൽ പെസ്കോവ് (റഷ്യ) എന്നീ നാല് യാത്രികരാണ് പേടകത്തിലുണ്ടായിരുന്നത്. മാർച്ച് 20ഓടെ സുനിതയും വിൽമോറും മടക്കയാത്ര ആരംഭിക്കാനാണ് ലക്ഷ്യമിടുന്നത്. പുതുതായി നിലയത്തിൽ എത്തുന്ന നാല് പേർക്ക് ചുമതല കൈമാറിയ ശേഷമായിരിക്കും ഇവരുടെ മടക്കം.
സുനിതയും സഹയാത്രികൻ ബുച്ച് വിൽമോറും കഴിഞ്ഞ ജൂൺ അഞ്ചിനാണ് ബഹിരാകാശ നിലയത്തിലേക്ക് പുറപ്പെട്ടത്. ബോയിങ് സ്റ്റാർ ലൈനർ പേടകത്തിലായിരുന്നു യാത്ര. യാത്രയ്ക്കിടെ പേടകത്തിന് ഗുരുതര തകരാർ ഉണ്ടായെങ്കിലും ആറിന് നിലയത്തിൽ എത്താനായി. തുടർന്ന് മടങ്ങിവരാൻ പറ്റാത്ത സാഹചര്യത്തിൽ എട്ടു ദിവസത്തെ സന്ദർശനത്തിനായി എത്തിയ സുനിതയും ബുച്ചും എട്ട് മാസത്തോളം ബഹിരാകാശനിലയത്തിൽ തങ്ങുകയായിരുന്നു.
Related News
Dont Miss it
0 comments