"എന്റേത് ഒരു സാഹസികയാത്രയായിരുന്നു. ശാസ്‌ത്രമാണ് എന്നെ നയിച്ചത്. സമത്വവും തുല്യതയും ആര്‍ജിക്കാനുള്ള ലോകത്തെ ഏറ്റവും വലിയ ശക്തിയാണ് ശാസ്‌ത്രം. പ്രതിഭയുള്ളവര്‍ ലോകത്തിന്റെ എല്ലാ കോണിലുമുണ്ട്. അവര്‍ക്ക് അവസരങ്ങളാണ് വേണ്ടത്'
വേരുകൾ പലസ്‌തീനിൽ ; ത്യാഗജീവിതം, ഒടുവിൽ രസതന്ത്ര നൊബേൽ
കലിഫോർണിയ
ഗാസയില്‍ ഇസ്രയേല്‍ വംശഹത്യയും അമേരിക്കയില്‍ ട്രംപിന്റെ കുടിയേറ്റവിരുദ്ധ നയങ്ങളും തുടരുന്നതിനിടെ, ലോകമാനവികതയുടെ സന്ദേശം പകര്‍ന്ന് നൊബേല്‍ പ്രഖ്യാപനം. രസതന്ത്ര നൊബേല്‍ പങ്കിട്ട ഒമർ എം യാഗി പലസ്‌തീനിൽനിന്ന്‌ കുടിയിറക്കപ്പെട്ട അഭയാർഥികളുടെ മകനാണ്. പ്ലാസ്റ്റിക്‌ മാലിന്യപ്രശ്‌നമടക്കമുള്ള പാരിസ്ഥിതിക വെല്ലുവിളികൾ നേരിടാൻ സഹായിക്കുന്ന കണ്ടെത്തലിനാണ്‌ സുസുമു കിറ്റഗാവ, റിച്ചാർഡ്‌ റോബ്‌സൺ എന്നിവർക്കൊപ്പം യാഗിയും നൊബേൽ സമ്മാനം പങ്കിട്ടത്‌.
1965-ൽ ജോർദാനിലെ അമ്മാനിലാണ്‌ ഒമർ യാഗി ജനിച്ചത്‌. മാതാപിതാക്കൾ പലസ്‌തീനിൽനിന്ന്‌ കുടിയിറക്കപ്പെട്ടവർ. 1948ലെ ഇസ്രയേല്‍ കടന്നാക്രമണത്തിലായിരുന്നു യാഗിയുടെ കുടുംബത്തിന് ഗാസയില്‍നിന്ന് ജോര്‍ദാനിലേക്ക് പലായനം ചെയ്യേണ്ടിവന്നത്.
കന്നുകാലി വളർത്തലും ഇറച്ചിക്കടയുമായിരുന്നു ഒമറിന്റെ കുടുംബത്തിന്റെ വരുമാന മാർഗം. പിതാവിന്റെ ഇറച്ചിക്കടയ്‌ക്ക്‌ മുകളിലുള്ള സ്ഥലത്ത് തുടങ്ങിയ ചെറിയ പരീക്ഷണങ്ങളിൽനിന്നാണ് ലോകം ആദരിക്കുന്ന ശാസ്‌ത്രജഞരുടെ പട്ടികയിലേക്ക്‌ യാഗി എത്തുന്നത്‌. ഡസനോളം പേർ താമസിച്ച ഒറ്റമുറിവീട്ടിലായിരുന്നു പഠനം. വൈദ്യുതിയോ ശുദ്ധജലമോ ലഭിക്കില്ലായിരുന്നു. അച്ഛന്‌ ആറാം ക്ലാസുവരെയായിരുന്നു വിദ്യാഭ്യാസം. അമ്മ നിരക്ഷരയും. ഹൈസ്‌കൂൾ പഠനശേഷം പതിനഞ്ചാം വയസ്സിലാണ് അമേരിക്കയിലെത്തിയത്.
"എന്റേത് ഒരു സാഹസികയാത്രയായിരുന്നു. ശാസ്‌ത്രമാണ് എന്നെ നയിച്ചത്. സമത്വവും തുല്യതയും ആര്‍ജിക്കാനുള്ള ലോകത്തെ ഏറ്റവും വലിയ ശക്തിയാണ് ശാസ്‌ത്രം. പ്രതിഭയുള്ളവര്‍ ലോകത്തിന്റെ എല്ലാ കോണിലുമുണ്ട്. അവര്‍ക്ക് അവസരങ്ങളാണ് വേണ്ടത്.' അറുപതുകാരനായ യാഗി പറഞ്ഞു.
Related News
Dont Miss it
0 comments