സാഹിത്യ നൊബേൽ ലാസ്ലോ ക്രാസ്നഹോർക്കൈക്ക്

സ്റ്റോക്ഹോം: 2025ലെ സാഹിത്യ നൊബേൽ പ്രഖ്യാപിച്ചു. ഹം​ഗേറിയൻ എഴുത്തുകാരൻ ലാസ്ലോ ക്രാസ്നഹോർക്കൈക്കാണ് സാഹിത്യ നൊബേൽ പുരസ്കാരം. കാഫ്ക മുതൽ തോമസ് ബെർണാർഡ് വരെ നീളുന്ന മധ്യ യൂറോപ്യൻ പാരമ്പര്യത്തിലെ ഒരു മികച്ച ഇതിഹാസ എഴുത്തുകാരനാണ് ക്രാസ്നഹോർക്കൈ. മഹാദുരന്തങ്ങളും വംശനാശ ഭീഷണികളും നേരിടാൻ കലയെ ശക്തിപ്പെടുത്തുന്ന ശൈലിയിലെ ദാര്‍ശനിക എഴുത്തിനാണ് പുരസ്കാരം.

വിചിത്രവും പ്രവചനാത്മകവുമായ പ്രമേയങ്ങളാണ് ക്രാസ്നഹോർക്കൈയുടെ രചനകളിലധികവും. മനുഷ്യനുമായി ഇഴചേർന്നുകിടക്കുന്ന രചനാ ശൈലിയും ക്രാസ്നഹോർക്കൈയുടെ പ്രത്യേകതയാണ്. സമീപ വർഷങ്ങളിലെല്ലാം അദ്ദേഹം നൊബേൽ സാധ്യതാ പട്ടികയിലുണ്ടായിരുന്നെങ്കിലും പുരസ്കാരം ലഭിച്ചിരുന്നില്ല.

വിവർത്തന സാഹിത്യത്തിനുള്ള ദേശീയ പുസ്തക അവാർഡ് (2019), മാൻ ബുക്കർ ഇന്റർനാഷണൽ പ്രൈസ് (2015) എന്നിവയുൾപ്പെടെ ക്രാസ്നഹോർക്കൈയുടെ ഡിസ്റ്റോപ്പിയൻ ഫിക്ഷൻ നിരവധി അംഗീകാരങ്ങൾ നേടിയിട്ടുണ്ട്. സാറ്റാന്റാങ്കോ, ദി മെലങ്കളി ഓഫ് റെസിസ്റ്റൻസ് തുടങ്ങിയ കൃതികൾ ഫീച്ചർ ഫിലിമുകളായി.

നോർവീജിയൻ വുഡ് എഴുത്തുകാരി ഹരുക്കി മുറകാമി, കനേഡിയൻ എഴുത്തുകാരി മാർഗരറ്റ് ആറ്റ്വുഡ്, ബ്രിട്ടീഷ്-അമേരിക്കൻ നോവലിസ്റ്റ് സൽമാൻ റുഷ്ദി, ചൈനീസ് പരീക്ഷണാത്മക എഴുത്തുകാരൻ കാൻ സൂ എന്നിവരും ഇത്തവണ നൊബേൽ പട്ടികയിൽ ഉണ്ടായിരുന്നു.

ദക്ഷിണ കൊറിയന്‍ സാഹിത്യകാരിയായ ഹാന്‍ കാങ്ങിനാണ് 2024ല്‍ സാഹിത്യ നൊബേല്‍ ലഭിച്ചിരുന്നത്. ഹാന്‍ കാങ്ങിലൂടെ ആദ്യമായാണ് ദക്ഷിണകൊറിയയിലേക്ക് നൊബേല്‍ എത്തിയത്. 1901-ൽ ഫ്രഞ്ച് കവി സള്ളി പ്രൂഡോം ആണ് ആദ്യ പുരസ്കാര ജേതാവ്.

1909-ൽ സ്വീഡന്റെ സെൽമ ലാഗർലോഫ് ആണ് ഈ പുരസ്കാരം നേടിയ ആദ്യ വനിത. ഏറ്റവും കൂടുതൽ പുരസ്കാര ജേതാക്കളിൾ ഫ്രാൻസിൽ നിന്നാണ് മുന്നിലാണ്. 124 വർഷത്തെ ചരിത്രത്തിൽ 18 സ്ത്രീകൾക്ക് മാത്രമാണ് സാഹിത്യ നൊബേൽ ലഭിച്ചിട്ടുള്ളത്.