ജപ്പാനിലും ദക്ഷിണ കൊറിയയിലും പുതുവർഷം പിറന്നു

സോൾ: കിഴക്കൻ ഏഷ്യൻ രാജ്യങ്ങളായ ജപ്പാനിലും ദക്ഷിണ കൊറിയയിലും പുതുവർഷം പിറന്നു. ഇന്ത്യൻ സമയം രാത്രി 8.30-ഓടെ (15:00 GMT) ഇരു രാജ്യങ്ങളിലും പുതുവത്സരാഘോഷങ്ങൾ ആരംഭിച്ചു. ഐശ്വര്യവും സമാധാനവും നേർന്ന് ആരാധനാലയങ്ങളിൽ മണികൾ മുഴക്കിയാണ് ഈ രാജ്യങ്ങൾ പുതുവർഷത്തെ വരവേൽക്കുന്നത്.

ദക്ഷിണ കൊറിയൻ തലസ്ഥാനമായ സൗളിൽ ഇത്തവണ ആഘോഷങ്ങൾ പരിമിതപ്പെടുത്തിയിരിക്കുകയാണ്. 2024 ഡിസംബർ അവസാനമുണ്ടായ ജെജു എയർ ബോയിംഗ് 737 വിമാന ദുരന്തത്തിന്റെ പശ്ചാത്തലത്തിലാണ് ഈ തീരുമാനം. വിമാനം ലാൻഡ് ചെയ്യുന്നതിനിടെ തകർന്നുണ്ടായ അപകടത്തിൽ 179 പേർക്ക് ജീവൻ നഷ്ടമായിരുന്നു. ഇതിന്റെ ആഘാതത്തിൽ കഴിഞ്ഞ വർഷത്തെ ആഘോഷങ്ങൾ ഒഴിവാക്കിയിരുന്നു. ഇത്തവണയും സമാനമായ രീതിയിൽ മിതമായ ആഘോഷങ്ങളോടെയാണ് ദക്ഷിണ കൊറിയൻ ജനത പുതുവർഷത്തെ വരവേൽക്കുന്നത്.