print edition നൂറുപേർക്ക് യാത്രാ
മൊഴിയേകി ഗാസ

ഗാസ സിറ്റി : ഗാസ സിറ്റിയിലെ അൽ -സൈതൂനിൽ ഇസ്രയേലി ആക്രമണങ്ങളിൽ തകർന്നടിഞ്ഞ കെട്ടിടങ്ങളുടെ അവശിഷ്ടങ്ങൾക്കടിയിൽനിന്ന് പുറത്തെടുത്ത നൂറോളം പലസ്‌തീൻകാരുടെ മൃതദേഹം സംസ്‌കരിച്ചു. മാസങ്ങളായി ഇ‍ൗ മൃതദേഹങ്ങൾ കെട്ടിടാവശിഷ്ടങ്ങൾക്കടിയിൽ കിടക്കുകയായിരുന്നു. കണ്ടെത്തിയ മൃതദേഹങ്ങളിൽ 70 ഓളം എണ്ണം കുട്ടികളുടേതാണ്‌.

2023 നവംബർ 19-ന് ഉണ്ടായ ഇസ്രയേലി വ്യോമാക്രമണത്തിൽ തകർന്ന ഒരു കുടുംബവീട്ടിൽ നിന്ന് മാത്രം 55 മൃതദേഹങ്ങൾ കണ്ടെടുത്തു. വീട്ടുകാർ അറുപതിലേറെ അനാഥർക്കും ഭവനരഹിതർക്കും അവിടെ അഭയം നൽകിയിരുന്നു. ഗാസ സിറ്റിയിലും മറ്റ് പ്രദേശങ്ങളിലുമടക്കം തകർന്നടിഞ്ഞ 147 വീടുകളിൽ തെരച്ചിൽ തുടരുകയാണ്.