print edition എപ്സ്റ്റീനുമായി ബന്ധം: നോർവേ മുൻ പ്രധാനമന്ത്രിക്കെതിരെ കേസ്
ഓസ്ലോ: ലൈംഗിക കുറ്റവാളി ജെഫ്രി എപ്സ്റ്റീനുമായി ചേർന്ന് സാമ്പത്തിക തട്ടിപ്പ് നടത്തിയതുമായി ബന്ധപ്പെട്ട് നോർവേ മുൻ പ്രധാനമന്ത്രി തോർബ്ജോർൺ ജഗ്ലൻഡിനെതിരെ കേസെടുത്തു. വിദേശവായ്പകളടക്കം നേടാനും വിവിധ അനധികൃത ബാങ്കിങ് ഇടപാടുകൾക്കും എപ്സ്റ്റീന്റെ സഹായം തേടിയെന്നാണ് കേസ്.
പാരീസ്, പാം ബീച്ച് എന്നിവിടങ്ങളിലെ എപ്സ്റ്റീന്റെ റിസോർട്ടുകളിലേക്ക് സന്ദർശനം നടത്താൻ ജഗ്ലൻഡ് പദ്ധതിയിട്ടിരുന്നതും സംബന്ധിച്ച തെളിവുകൾ യുഎസ് നീതിന്യായ വകുപ്പ് പുറത്തുവിട്ട ഇ മെയിലുകളിലുണ്ടായിരുന്നു. ജഗ്ലൻഡിനുള്ള നയതന്ത്ര പരിരക്ഷ ഒഴിവാക്കിയാണ് കേസെടുത്തത്. നോർവേ കിരീടാവകാശി മെറ്റ്-മാരിറ്റ്, മുൻ വിദേശകാര്യ മന്ത്രി ബോർജ് ബ്രെൻഡെ തുടങ്ങിയവരുടെ പേരുകളും രേഖകളിലുണ്ടായിരുന്നു. മെറ്റ്-മാരിറ്റ് ക്ഷമാപണം നടത്തിയിരുന്നു.
0 comments