ലി ക്വിയാങ്ങും ടോ ലാമും ഉത്തര കൊറിയയിലേക്ക്, വർക്കേഴ്സ് പാർട്ടി എൺപതാം വാർഷികം വെള്ളിയാഴ്ച

പ്യോങ്‌യാങ്ങ്: വെള്ളിയാഴ്ച നടക്കുന്ന വർക്കേഴ്സ് പാർട്ടി ഓഫ് കൊറിയയുടെ 80-ാം വാർഷികാഘോഷങ്ങളിൽ പങ്കെടുക്കുന്നതിനായുള്ള ചൈനീസ് പ്രതിനിധി സംഘത്തെ പ്രധാനമന്ത്രി ലി ക്വിയാങ് നയിക്കുമെന്ന് ഉത്തരകൊറിയൻ സ്റ്റേറ്റ് മീഡിയ കെസിഎൻഎ റിപ്പോർട്ട് ചെയ്തു.

ഒക്ടോബർ 9 മുതൽ 11 വരെയാണ് ലിയുടെ സന്ദർശനം.  ഉത്തരകൊറിയയുമായുള്ള പങ്കാളിത്തം വർദ്ധിപ്പിക്കുന്നതിന് ചൈന ഈ അവസരം പ്രയോജനപ്പെടുത്തുകയാണ് എന്നും അറിയിച്ചു.

ഉത്തരകൊറിയൻ ഭരണകക്ഷി വർക്കേഴ്സ് പാർട്ടി ഓഫ് കൊറിയ സ്ഥാപിതമായതിന്റെ 80-ാം വാർഷികത്തോടനുബന്ധിച്ച് വ്യാഴാഴ്ച മുതൽ ശനിയാഴ്ച വരെ നടക്കുന്ന പരിപാടികളിൽ പങ്കെടുക്കാനായാണ് ലോക നേതാക്കൾ എത്തുന്നത്. 

റഷ്യ, വിയറ്റ്നാം, ലാവോസ്

വിയറ്റ്നാമിന്റെ ഉന്നത നേതാവായ ടോ ലാം വാർഷികാഘോഷത്തിനായി ഈ ആഴ്ച ഉത്തരകൊറിയ സന്ദർശിക്കുമെന്ന് തിങ്കളാഴ്ച പ്രഖ്യാപിച്ചു. കമ്മ്യൂണിസ്റ്റ് പാർട്ടിയുടെ ജനറൽ സെക്രട്ടറിയാണ് അദ്ദേഹം. ചൈനയിൽ ഷിയും ഉത്തരകൊറിയയുടെ വർക്കേഴ്‌സ് പാർട്ടിയിൽ കിമ്മും വഹിക്കുന്ന അതേ നേതൃസ്ഥാനമാണിത്. 2007 ന് ശേഷം ഒരു വിയറ്റ്നാമീസ് നേതാവ് ഉത്തരകൊറിയയിലേക്ക് നടത്തുന്ന ആദ്യ സന്ദർശനമാണിത് എന്ന പ്രത്യേകതയുമുണ്ട്.

ലാവോസ് പ്രസിഡന്റ് തോങ്‌ലോൺ സിസൗലിത്തും വാർഷിക പരിപാടിയിൽ സംബന്ധിക്കുന്നുണ്ട്.  ലാവോ പീപ്പിൾസ് റെവല്യൂഷണറി പാർട്ടിയുടെ ജനറൽ സെക്രട്ടറിയാണ്.

റഷ്യയുടെ മുൻ പ്രസിഡന്റ് ദിമിത്രി മെദ്‌വദേവും എത്തുന്നതായി ഉത്തരകൊറിയയുടെ ഔദ്യോഗിക വാർത്താ ഏജൻസിയായ കെസിഎൻഎ സ്ഥിരീകരിച്ചു.

ചൈനയെയും ഉത്തരകൊറിയയെയും "പരമ്പരാഗത സുഹൃത്തുക്കളും അയൽക്കാരും" എന്ന് വിശേഷിപ്പിച്ച ചൈനീസ് വിദേശകാര്യ മന്ത്രാലയത്തിന്റെ പ്രസ്താവനയിൽ ഉത്തരകൊറിയയുമായുള്ള ബന്ധം നിലനിർത്തുക, ഏകീകരിക്കുക, വികസിപ്പിക്കുക എന്നത് ചൈനീസ് സർക്കാരിന്റെയും ഭരണകക്ഷിയായ കമ്മ്യൂണിസ്റ്റ് പാർട്ടിയുടെയും "അചഞ്ചലമായ തന്ത്ര നയം" ആണെന്ന് വ്യക്തമാക്കി.

ചൈനീസ് കമ്മ്യൂണിസ്റ്റ് പാർട്ടി പൊളിറ്റ്ബ്യൂറോയുടെ സ്റ്റാൻഡിംഗ് കമ്മിറ്റിയിലെ ഏഴ് അംഗങ്ങളിൽ ഒരാളാണ് ലി. പ്രധാനമന്ത്രി എന്ന നിലയിലും പ്രസിഡന്റ് ഷി ജിൻപിങ്ങിന് തൊട്ടടുത്തും അദ്ദേഹത്തെ രണ്ടാമത്തെ ഉന്നത നേതാവായി കണക്കാക്കുന്നു.

കഴിഞ്ഞ വർഷം മുതൽ ചൈനയും ഉത്തരകൊറിയയും തമ്മിലുള്ള ഉന്നതതല ബന്ധങ്ങൾ വർധിച്ചു. പൊളിറ്റ്ബ്യൂറോ സ്റ്റാൻഡിംഗ് കമ്മിറ്റിയിലെ അംഗമായ ഷാവോ ലെജി ഏപ്രിലിൽ ഉത്തരകൊറിയൻ തലസ്ഥാനമായ പ്യോങ്‌യാങ്ങിൽ കിമ്മിനെ കണ്ടിരുന്നു.

ജപ്പാന്റെ പരാജയത്തിന് ശേഷമുള്ള 80-ാം വാർഷികത്തോടനുബന്ധിച്ച് ചൈനീസ് തലസ്ഥാനമായ ബീജിംഗിൽ നടന്ന വമ്പിച്ച സൈനിക പരേഡിൽ പങ്കെടുക്കാൻ കഴിഞ്ഞ മാസം ഉത്തരകൊറിയൻ നേതാവ് കിം ജോങ് ഉൻ ഉം ചൈനീസ് റഷ്യൻ പ്രസിഡന്റ് വ്‌ളാഡിമിർ പുടിനും എത്തിച്ചേർന്നിരുന്നു.