print edition പലസ്‌തീൻ മാധ്യമപ്രവർത്തകനെ 
വധിച്ച് ഇസ്രയേല്‍

ഗാസ സിറ്റി: ഗാസയിലെ അൽ-ബുറൈജ് അഭയാർഥി ക്യാമ്പിന്‌ നേരെയുണ്ടായ ഇസ്രയേൽ ആക്രമണത്തിൽ പലസ്‌തീൻ മാധ്യമപ്രവർത്തകൻ അഹമ്മദ് വാഷാ കൊല്ലപ്പെട്ടു. അൽ ജസീറയിൽ കാമറമാൻ ആയിരുന്നു.

2023 ഒക്ടോബറിന് ശേഷം ഗാസയിൽ കൊല്ലപ്പെട്ട അൽ-ജസീറ മാധ്യമപ്രവർത്തകരുടെ എണ്ണം പന്ത്രണ്ടായി. ഗാസ സിറ്റിയിലെ അൽ-തയാരൻ ജങ്‌ഷന് സമീപമുണ്ടായ ആക്രമണത്തിൽ ഒരു കുടുംബത്തിലെ നാല് പേരും കൊല്ലപ്പെട്ടു. തകർന്ന കെട്ടിടങ്ങൾക്കിടയിൽ നിരവധി പേർ കുടുങ്ങിക്കിടക്കുന്നതായി ആരോഗ്യ മന്ത്രാലയം അറിയിച്ചു.