മുഖ്യമന്ത്രിയും നിർമല സീതാരാമനും കേരള ഹൗസിൽ കൂടിക്കാഴ്‌ച ആരംഭിച്ചു

ന്യൂഡൽഹി: കേന്ദ്ര ധനമന്ത്രി നിർമല സീതാരാമൻ കേരള ഹൗസിൽ മുഖ്യമന്ത്രി പിണറായി വിജയനുമായി കൂടിക്കാഴ്‌ച ആരംഭിച്ചു. കേരളത്തിന്റെ സാമ്പത്തിക ആവശ്യങ്ങളും നികുതി വിഹിതവുമാണ്‌ പ്രധാനമായും കൂടിക്കാഴ്‌ചയിൽ ചർച്ചയാകുക. പ്രഭാതഭക്ഷണത്തിന്‌ ശേഷമാണ്‌ വിശദമായ ചർച്ച നടക്കുക. നേരത്തെ കേരളത്തിന്റെ ഡൽഹിയിലെ പ്രതിനിധി കെ വി തോമസ്‌ ധനമന്ത്രിയെ കണ്ട്‌ കേരളത്തിന്റെ ആവശ്യങ്ങൾ ധരിപ്പിച്ചിരുന്നു. തുടർന്ന്‌ കേരളഹൗസിൽ മുഖ്യമന്ത്രിയുമായി കൂടിക്കാഴ്‌ചയ്‌ക്ക്‌ ധാരണയാവുകയായിരുന്നു.