സംവിധായകൻ ശങ്കർ ദയാൽ അന്തരിച്ചു

ചെന്നൈ > പ്രശസ്ത തമിഴ് സംവിധായകൻ ശങ്കർ ദയാൽ (47) അന്തരിച്ചു. നെഞ്ചുവേദന അനുഭവപ്പെട്ടതിനെ തുടർന്ന് ആശുപത്രിയിൽ ചികിത്സയിലിരിക്കെയായിരുന്നു മരണം. 2012ൽ പുറത്തിറങ്ങിയ കാർത്തി ചിത്രം സ​ഗുനിയിലൂടെയാണ് ശ്രദ്ധിക്കപ്പെട്ടത്. യോ​ഗി ബാബുവിനെയും സെന്തിലിനെയും പ്രധാന കഥാപാത്രങ്ങളാക്കി ഒരുക്കിന്ന പുതിയ ചിത്രത്തിന്റെ പ്രസ് മീറ്റിന് തയാറെടുക്കുന്നതിനിടെയായിരുന്നു നെഞ്ചുവേദന അനുഭവപ്പെട്ടത്. ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

ജയം രവി നായകനായ 'ദീപാവലി' എന്ന സിനിമയുടെ സംഭാഷണ രചയിതാവാണ്. വിഷ്ണുവിശാൽ നായകനായ 'വീരധീരസൂരൻ' ആയിരുന്നു രണ്ടാമത്തെ ചിത്രം.