ആധാർ അധിഷ്ഠിത തിരിച്ചറിയൽ ഏർപ്പെടുത്താൻ എസ്‌എസ്‌സി

ന്യൂഡൽഹി : ഉദ്യോഗാർഥികളുടെ ആധാർ അധിഷ്ഠിത ബയോമെട്രിക്‌ തിരിച്ചറിയൽ നടപ്പാക്കാൻ സ്‌റ്റാഫ്‌ സെലക്‌ഷൻ കമീഷൻ. അടുത്തമാസം മുതൽ റിക്രൂട്ട്‌മെന്റ്‌ പരീക്ഷകളിലാണ്‌ ഇത്‌ നടപ്പാക്കുക.

ഓൺലൈനായി രജിസ്‌റ്റർ ചെയ്യുമ്പോഴും ഫോം പൂരിപ്പിക്കുമ്പോഴും പരീക്ഷാകേന്ദ്രത്തിൽ ഹാജരാകുമ്പോഴും സ്വയം സന്നദ്ധരാകുന്ന ഉദ്യോഗാർഥികൾ ആധാർ ഹാജരാക്കി ബയോമെട്രിക്‌ സ്ഥിരീകരണം പൂർത്തിയാക്കണം. ഭാവിയിൽ എല്ലാവർക്കും നിർബന്ധമാക്കാനുള്ള സാധ്യതയും ചൂണ്ടിക്കാട്ടപ്പെടുന്നു. കേന്ദ്രസർക്കാരിന്റെ നോൺ ഗസറ്റഡ്‌ തസ്തികകളിലേക്കുള്ള തെരഞ്ഞെടുപ്പാണ്‌ സ്‌റ്റാഫ്‌ സെലക്ഷൻ കമീഷൻ പ്രധാനമായും നടത്തുന്നത്‌.