ഭൂകമ്പ സാധ്യത കുറഞ്ഞ സോൺ വിഭാഗത്തില്‍ കേരളം
print edition ഭൂകമ്പസാധ്യത ; ഹിമാലയൻ മേഖല അപകടത്തിൽ
ന്യൂഡൽഹി
ഇന്ത്യയുടെ പുതിയ ഭൂചലന സാധ്യതാ ഭൂപടം കേന്ദ്രസർക്കാർ പുറത്തുവിട്ടു. ഹിമാലയൻ മേഖലയാകെ ഭൂകമ്പസാധ്യത ഏറ്റവും കൂടിയ സോൺ – ആറിലാണ്‌ ഉൾപ്പെടുന്നത്‌. ബ്യൂറോ ഓഫ്‌ ഇന്ത്യൻ സ്‌റ്റാൻഡേർഡ്‌സിന്റെ പരിഷ്‌കരിച്ച ഭൂകമ്പസാധ്യതാ കോഡിന്റെ അടിസ്ഥാനത്തിലാണ്‌ ഭൂപടം തയ്യാറാക്കിയത്‌.
ഭൂകമ്പ സാധ്യത ഏറ്റവും കുറഞ്ഞ സോൺ–2, 3 വിഭാഗത്തിലാണ്‌ കേരളം. ഹിമാലയൻ മേഖലയ്‌ക്ക്‌ പുറമെ ഗുജറാത്തിലെ കച്ച്‌ മേഖലയും ആൻഡമാൻ നിക്കോബാർ ദ്വീപ് സമൂഹവും സോൺ – ആറിലാണ്‌ ഉൾപ്പെടുന്നത്‌. മുമ്പ്‌ തയ്യാറാക്കിയ ഭൂപടത്തിൽ ഹിമാലൻ മേഖല സോൺ–4, 5 എന്നീ വിഭാഗങ്ങളിലായി വിഭജിക്കപ്പെട്ട നിലയിലാലയിരുന്നു. എന്നാൽ പുതിയ ഭൂപടത്തിൽ വടക്കുകിഴക്കൻ മേഖലയടക്കം ഹിമാലയൻ പ്രദേശങ്ങൾ പൂർണമായും ഏറ്റവും ഭൂകമ്പസാധ്യത കൂടിയ ഇടമാണ്‌.
ഇന്ത്യൻ – യുറേഷ്യൻ ഭ‍ൗമപാളികളുടെ ഉരസലാണ്‌ ഹിമാലയൻ മേഖലയെ അപ്പാടെ അപകടസാധ്യതാ പ്രദേശമാക്കുന്നത്‌. ഇന്ത്യൻ ഭ‍‍ൗമപാളി യൂറേഷ്യൻ പാളിയിലേക്ക്‌ പ്രതിവർഷം അഞ്ച്‌ സെന്റിമീറ്റർ തോതിൽ ഇടിച്ചുകയറുന്നുണ്ട്‌. ഹിമാലയ പർവതങ്ങൾ രൂപപ്പെട്ടത്‌ തന്നെ യുറേഷ്യൻ പാളിയിലേക്കുള്ള ഇന്ത്യൻ പാളിയുടെ ഇടിച്ചുകയറ്റത്തോടെയാണ്‌. ആ പ്രക്രിയ ഇപ്പോഴും തുടരുന്നതാണ്‌ ഭൂകമ്പ സാധ്യത വർധിപ്പിക്കുന്നത്‌.
0 comments