പഞ്ചാബ് തദ്ദേശ തെരഞ്ഞെടുപ്പ്, വോട്ടെടുപ്പ് തുടരുന്നു

പഞ്ചാബിൽ ജില്ലാ പരിഷത്ത്, പഞ്ചായത്ത് സമിതി തെരഞ്ഞെടുപ്പുകളിൽ പോളിംങ് തുടരുന്നു. കടുത്ത സുരക്ഷാ ക്രമീകരണങ്ങൾക്കിടയിലാണ് പോളിംഗ്. വൈകുന്നേരം 4 മണി വരെ തുടരും. വോട്ടെണ്ണൽ ഡിസംബർ 17 ന് ആണ്.

22 ജില്ലാ പരിഷത്തുകളുടെ 347 സോണുകളിലേക്കും 153 പഞ്ചായത്ത് സമിതികളുടെ 2,838 സോണുകളിലേക്കുമുള്ള അംഗങ്ങളെ തെരഞ്ഞെടുക്കുന്നതിനാണ് വോട്ടെടുപ്പ്. 9,000-ത്തിലധികം സ്ഥാനാർത്ഥികൾ മത്സരരംഗത്തുണ്ട്. ആകെ 1.36 കോടി വോട്ടർമാരാണ് വോട്ട് രേഖപ്പെടുത്തുക.

18,224 പോളിംഗ് സ്റ്റേഷനുകൾ സജ്ജീകരിച്ചിട്ടുണ്ടെന്ന് ഉദ്യോഗസ്ഥർ പറഞ്ഞു. 860 ഹൈപ്പർസെൻസിറ്റീവ്, 3,405 സെൻസിറ്റീവ് പോളിംഗ് ലൊക്കേഷനുകളുണ്ടെന്ന് അവർ പറഞ്ഞു. 44,000 പോലീസ് ഉദ്യോഗസ്ഥരെ വിന്യസിച്ചിട്ടുണ്ട്.