മുസ്ലിങ്ങളെ
ജിമ്മിൽ 
പ്രവേശിപ്പിക്കരുതെന്ന് മധ്യപ്രദേശിലെ എസ്ഐ

ഭോപ്പാൽ: മുസ്ലിങ്ങളെ ജിമ്മിൽ പ്രവേശിപ്പിക്കരുതെന്ന് ബിജെപി ഭരിക്കുന്ന മധ്യപ്രദേശിലെ പൊലീസ് ഉദ്യോ​​ഗസ്ഥൻ. മുസ്ലിങ്ങളെ ട്രെയിനർമാരായി നിയോ​ഗിക്കരുതെന്നും മുസ്ലിങ്ങളെ പരിശീലനത്തിന് അനുവദിക്കരുതെന്നും ജിം ഉടമയ്‌ക്ക്‌ ഭോപ്പാൽ അയോധ്യ ന​ഗറിലെ എസ്ഐ ​ദിനേശ് ശർമ നിർദേശം നൽകുന്ന വീഡിയോ പുറത്തുവന്നു. ബജ്‍രം​ഗദൾ പ്രവർത്തകർക്കൊപ്പമാണ് എസ്ഐ സ്വകാര്യ ജിമ്മിലെത്തി ഉടമയ്‌ക്ക്‌ മുന്നറിയിപ്പ് നൽകിയത്.

ഇൻഡോറിലും സമാനമായി ബജ്‍‌രം​ഗദൾ മുസ്ലിം ജിം ട്രെയിനർമാർക്കെതിരെ പ്രചാരണം തുടങ്ങിയിട്ടുണ്ട്. പരിശീലനത്തിനെത്തിയ പെൺകുട്ടിയോട് ലൈം​ഗികാതിക്രമം നടത്തിയ കേസിൽ ഇൻഡോറിൽ മൊഹസിൻ ഖാൻ എന്ന ഷൂട്ടിങ് കോച്ച് അറസ്റ്റിലായതിന് പിന്നാലെയാണ് മുസ്ലിങ്ങൾക്കെതിരെ ബജ്‍രം​​ഗദൾ വിദ്വേഷ പ്രചരണം. മുസ്ലിം ട്രെയിനർമാരുടെ പട്ടിക തയ്യാറാക്കി പൊലീസിന് കൈമാറുമെന്ന് ബിജെപി എംപി അലോക് ശർമയുടെ പ്രസ്‌താവന സ്ഥിതി കൂടുതൽ വഷളാക്കി.