ബംഗളൂരുവിൽ ബുർഖയിട്ട പെൺകുട്ടിക്ക് നേരെ സദാചാര ആക്രമണം; 5 പേർ അറസ്റ്റിൽ

ബം​ഗളൂരു : ബംഗളൂരിൽ ബുർഖയിട്ട പെൺകുട്ടിക്ക് നേരെയുണ്ടായ സദാചാര ആക്രമണത്തിൽ അഞ്ചം​ഗസംഘം കസ്റ്റഡിയിൽ. അറസ്റ്റിലായ അഞ്ചുപേരിൽ ഒരാൾക്ക് പ്രായപൂർത്തി ആയിട്ടില്ല. അഫ്രീദ് പാഷ, വസീം ഖാൻ, മാഹിൻ, മൻസൂർ എന്നിവരാണ് പിടിയിലായ മറ്റു നാലുപേർ.

ബൈക്കിൽ ആൺകുട്ടിക്കൊപ്പം ഇരിക്കുകയായിരുന്ന പെൺകുട്ടിയാണ് സദാചാര ആക്രമണം നേരിട്ടത്. വ്യാഴാഴ്ച ബംഗളൂരിലെ ചന്ദ്ര ലേ ഔട്ടിലാണ് സംഭവം നടന്നത്. ആൺകുട്ടിയോടൊപ്പം പെൺകുട്ടി ബൈക്കിലിരിക്കുന്നത് ഇവർ ചോദ്യം ചെയ്യുകയായിരുന്നു. ആൺകുട്ടിയെയും പെൺകുട്ടിയെയും ഇവർ അസഭ്യം പറയുകയും ഭീഷണിപ്പെടുത്തുകയും ചെയ്തു. പെൺകുട്ടി നൽകിയ പരാതിയിലാണ് അഞ്ച് പേരെയും പൊലീസ് അറസ്റ്റ് ചെയ്തത്.