മൈസൂരുവിൽ വാഹനാപകടം; മലയാളി യുവതി മരിച്ചു

ബംഗളുരു: മൈസൂരുവിലുണ്ടായ വാഹനാപകടത്തിൽ മലയാളി യുവതി മരിച്ചു. എരുമേലി സൗത്ത് എരുത്വാപ്പുഴ കളത്തൂർ ബിജു- സുനിത ദമ്പതികളുടെ മകൾ കാർത്തികയാണ് മരിച്ചത്. ഇന്നലെ ഉച്ചയോടെ മൈസൂർ- നഞ്ചൻഗുഡ് ദേശീയപാതയിലായിരുന്നു അപകടമുണ്ടായത്.

അപകടത്തിൽ ബൈക്കോടിച്ചിരുന്ന പാലക്കാട് ഒറ്റപ്പാലം തൃക്കടേരി സ്വദേശി ഗോപാലകൃഷ്ണന്റെ മകൻ ജി ഹരിശങ്കർ തരകന് പരിക്കേറ്റു. ബെംഗളൂരുവിൽ സ്വകാര്യ കമ്പനിയിൽ ജോലി ചെയ്തുവരികയായിരുന്നു കാർത്തിക. അവധിക്ക് നാട്ടിൽ വരാനിരിക്കെയാണ് അപകടം.