മധ്യപ്രദേശിൽ രണ്ട് ചുമമരുന്നുകൾ കൂടി നിരോധിച്ചു; ഉയർന്ന അളവിൽ ഡൈ എത്തിലീൻ ഗ്ലൈക്കോൾ

ഭോപ്പാൽ: ചുമമരുന്ന് കഴിച്ച് കുട്ടികൾ മരണപ്പെട്ടതിനു പിന്നാലെ മധ്യപ്രദേശിൽ രണ്ട് സിറപ്പുകൾ കൂടി നിരോധിച്ചു. ലൈഫ്, റെസ്പിഫ്രഷ് ടിആർ എന്നീ മരുന്നുകൾ നിർദേശിക്കുന്നതിനും വിതരണം ചെയ്യുന്നതിനും വിലക്കേർപ്പെടുത്തി. പരിശോനയിൽ രണ്ട് മരുന്നുകളിലും ഡൈ എത്തിലീൻ ഗ്ലൈക്കോൾ കണ്ടെത്തി. 19 മരുന്നുകളുടെ സാമ്പിൾ ഡ്ര​ഗ് ഇൻസ്പെക്ടർമാരുടെ പരിശോധനയിൽ ലാബുകളിലേക്ക് അയച്ചിരുന്നു. ഇതിന്റെ ഫലംവന്നതോടെയാണ് നടപടി.

റീലൈഫിൽ 0.616 ശതമാനവും റെസ്പിഫ്രഷ് ടിആറിൽ 1.342 ശതമാനവും ഡൈഎത്തിലീൻ ഗ്ലൈക്കോളിന്റെ കണ്ടെത്തിയതായി അധികൃതർ പറഞ്ഞു. ​ഗുജറാത്തിലാണ് കഫ് സിറപ്പുകളുടെ നിർമാണം.

ഉയർന്ന അളവിൽ ഡൈ എത്തിലീൻ ഗ്ലൈക്കോൾ അടങ്ങിയ കോൾഡ്രിഫ് മരുന്ന് കഴിച്ചാണ് കുട്ടികൾ മരണപ്പെട്ടത്. മധ്യപ്രദേശിലും രാജസ്ഥാനിലുമായി 19 കുട്ടികളാണ് ഇതുവരെ മരിച്ചത്.