എം എ ബേബി അരവിന്ദ് കെജ്‍രിവാളുമായി കൂടിക്കാഴ്ച നടത്തി

ന്യൂഡൽഹി: സിപിഐ എം ജനറൽ സെക്രട്ടറി എം എ ബേബി ഡൽഹി മുൻ മുഖ്യമന്ത്രിയും ആംആദ്മി പാർടി ദേശീയ അധ്യക്ഷനുമായ അരവിന്ദ് കെജ്‍രിവാളുമായി കൂടിക്കാഴ്ച നടത്തി. ഡൽഹിയിൽ കെജ്‍രിവാളിന്റെ വസതിയിലായിരുന്നു കൂടിക്കാഴ്ച. സെപ്റ്റംബർ 30ന് ഡൽഹിയിൽ നടക്കാനിരിക്കുന്ന ഇന്ത്യ മുന്നണി യോഗത്തിന് മുന്നോടിയായാണ് കൂടിക്കാഴ്ച.

മുഖ്യ തെര‍ഞ്ഞെടുപ്പ് കമീഷണർ ​ഗ്യാനേഷ് കുമാറിന്റെ രാജിയടക്കമുള്ള വിഷയങ്ങൾ ഇരുനേതാക്കളും ചർച്ച ചെയ്തു. രാജ്യത്തെ തെരഞ്ഞെടുപ്പ് സംവിധാനത്തിന്റെ വിശ്വാസ്യത നഷ്ടപ്പെട്ട പശ്ചാത്തലത്തിൽ പ്രതിഷേധ പരമ്പരകൾക്കായി എല്ല പ്രതിപക്ഷ പാർടികളും ഒന്നിച്ചു നിൽക്കണമെന്ന് എം എ ബേബി വ്യക്തമാക്കി.