print edition ആവശ്യത്തിന്‌ അധ്യാപകരില്ല; ലഖ്‌ന‍ൗവിൽ പ്രക്ഷോഭവുമായി 
സ്‌കൂൾ വിദ്യാർഥിനികൾ

ലഖ്‌ന‍ൗ: ഉത്തർപ്രദേശ്‌ തലസ്ഥാനമായ ലഖ്‌ന‍ൗവിൽ സർക്കാർ റെസിഡൻഷ്യൽ സ്‌കൂളിൽ ആവശ്യത്തിന്‌ അധ്യാപകരില്ലാത്തതിലും ക്ലാസുകൾ നിരന്തരം മുടങ്ങുന്നതിലും തെരുവിലിറങ്ങി വിദ്യാർഥിനികൾ. ജയ് പ്രകാശ് നാരായൺ സർവോദയ വിദ്യാലയത്തിലെ വിദ്യാർഥിനികൾ സ്‌കൂളിൽ നിന്ന് പുറത്തിറങ്ങി ദുബഗ്ഗ-–കാൺപുർ ബൈപാസ്‌ ഉപരോധിച്ചു.

കനത്ത മഴയിലും പിൻവാങ്ങാതെയാണ്‌ കുട്ടികൾ പ്രതിഷേധിച്ചത്‌. ഇതേ പ്രശ്നം ഉന്നയിച്ച് സ്‌കൂളിലെ ആൺകുട്ടികൾ വെള്ളിയാഴ്ച പ്രതിഷേധിച്ചിരുന്നു. മുമ്പ്‌ ഫത്തേപുർ, ഹമീർപുർ, കനൗജ് തുടങ്ങിയ ഇടങ്ങളിലും സമാനമായ രീതിയിൽ വിദ്യാർഥികൾ തെരുവിലിറങ്ങി പ്രതിഷേധിച്ചിരുന്നു.