ഇറാൻ വ്യോമാതിർത്തി അടച്ചു: വിമാന സർവീസുകളെ ബാധിച്ചതായി വിമാന കമ്പനികൾ

ന്യൂഡൽഹി: ഇറാനിൽ തുടരുന്ന പ്രക്ഷോഭത്തിന്റെ അടിസ്ഥാനത്തിൽ ഇറാൻ വ്യോമാതിർത്തി അടച്ചത് അന്താരാഷ്ട്ര വിമാന സർവീസുകളെ ബാധിച്ചതായി എയർ ഇന്ത്യ, ഇൻഡിഗോ, സ്‌പൈസ് ജെറ്റ് എന്നിവ വ്യാഴാഴ്ച അറിയിച്ചു . എക്സിലൂടെയാണ് വിമാനകന്പനികൾ വിവരമറിയിച്ചത്. എക്സിലെ പോസ്റ്റിൽ, മേഖലയിലൂടെ പറക്കുമ്പോൾ ഉണ്ടാകാവുന്ന കാലതാമസങ്ങളെക്കുറിച്ചും റൂട്ട് മാറ്റാൻ കഴിയാത്ത സ്ഥലങ്ങളിൽ റദ്ദാക്കലുകളെക്കുറിച്ചും എയർ ഇന്ത്യ യാത്രക്കാരെ അറിയിച്ചു.

"ഇറാനിലെ സാഹചര്യം, തുടർന്ന് വ്യോമാതിർത്തി അടച്ചുപൂട്ടൽ, യാത്രക്കാരുടെ സുരക്ഷ എന്നിവ കണക്കിലെടുത്ത്, മേഖലയിലൂടെ പറക്കുന്ന എയർ ഇന്ത്യ വിമാനങ്ങൾ ഇപ്പോൾ ബദൽ റൂട്ടിംഗ് ഉപയോഗിക്കുന്നു, ഇത് കാലതാമസത്തിന് കാരണമായേക്കാം. നിലവിൽ റൂട്ട് മാറ്റാൻ കഴിയാത്ത ചിലയില്‍ എയർ ഇന്ത്യ വിമാനങ്ങൾ റദ്ദാക്കുന്നു," എയർലൈൻ പറഞ്ഞു.വിമാനത്താവളത്തിലേക്ക് പോകുന്നതിനുമുമ്പ് യാത്രക്കാർ അവരുടെ വിമാനങ്ങളുടെ നില പരിശോധിക്കണമെന്ന് എയർ ഇന്ത്യ നിർദ്ദേശിച്ചു.