ടയറിൽ വായു നിറയുന്നു; ഇൻഡിഗോ വിമാനം റദ്ദാക്കി

റാഞ്ചി: പട്‌നയിലേക്ക് പോകുകയായിരുന്ന ഇൻഡിഗോ വിമാനം സുരക്ഷാ കാരണങ്ങളാൽ ബിർസ മുണ്ട വിമാനത്താവളത്തിൽ ഇറക്കിയതായി റിപ്പോർട്ട്‌. ടയറിൽ വായു നിറയുന്നത് കാരണമാണ്‌ പട്‌നയിലേക്ക് പോകുകയായിരുന്ന വിമാനം വെള്ളിയാഴ്ച ഉച്ചയ്ക്ക് ബിർസ മുണ്ട വിമാനത്താവളത്തിൽ ഇറക്കിയതെന്ന്‌ ഉദ്യോഗസ്ഥർ പറഞ്ഞു.

കൊൽക്കത്തയിൽ നിന്ന് പുറപ്പെട്ട വിമാനം പട്നയിലേക്കും തുടർന്ന് ലഖ്‌നൗവിലേക്കും പോകേണ്ടതായിരുന്നു. സുരക്ഷാ കാരണങ്ങളാലാണ് വിമാനം റദ്ദാക്കിയതെന്ന് വിമാനത്താവള ഡയറക്ടർ ആർ ആർ മൗര്യ പറഞ്ഞു. ലഖ്‌നൗവിലേക്കുള്ള യാത്രക്കാരെ കണക്ടിവിറ്റി ഫ്ലൈറ്റ് വഴി ഡൽഹിയിലേക്ക് അയക്കുകയായിരുന്നു. വിമാനം ലാൻഡ് ചെയ്ത ശേഷം നടത്തിയ പതിവ് പരിശോധനയിലാണ് ടയറിന് സാങ്കേതിക തകരാറുണ്ടെന്നും അമിതമായി വായു നിറഞ്ഞ അവസ്ഥയിലാണെന്നും കണ്ടെത്തിയത്.

വിമാനങ്ങളുടെ ടയറുകൾക്ക് കൃത്യമായ മർദ്ദം നിലനിർത്തേണ്ടത് വളരെ പ്രധാനമാണ്. ടയറിൽ അമിതമായി വായു നിറയുന്നത് പല അപകടങ്ങൾക്കും കാരണമാകും