നവി മുംബൈയില്‍ നിന്ന് 30 പുതിയ റൂട്ടുകൾ പ്രഖ്യാപിച്ച് ഇൻഡി​ഗോ

ന്യൂഡൽഹി : നവി മുംബൈ അന്താരാഷ്ട്ര വിമാനത്താവളത്തിൽ നിന്ന് 30 പുതിയ റൂട്ടുകൾ പ്രഖ്യാപിച്ച് ഇൻഡി​ഗോ എയർലൈൻസ്. മാർച്ച് 29 മുതൽ ഏപ്രിൽ 30 വരെയുള്ള കാലയളവിൽ വിവിധ ന​ഗരങ്ങളെ ബന്ധിപ്പിച്ചുകൊണ്ടുള്ള പുതിയ റൂട്ടുകളുണ്ടാകുമെന്നാണ് ഇൻഡി​ഗോ അറിയിച്ചിരിക്കുന്നത്.

പുതിയ റൂട്ടുകൾ വരുന്നതോടെ നവി മുംബൈയിൽ നിന്ന് ആഴ്ചയിൽ 400ലധികം സർവീസുകളാണ് ഇൻഡി​ഗോ ലക്ഷ്യമിടുന്നത്. റൂട്ടുകൾ വരുന്നത് കേരളത്തിൽ നിന്നുള്ള യാത്രക്കാർക്കും ഏറെ ​ഗുണകരമാകും. യാത്രക്കാർക്ക് സൗകര്യപ്രദമാകുന്ന രീതിയിൽ കണ്ണൂരിലേക്കും നവി മുംബൈയിൽ നിന്നുള്ള നേരിട്ടുള്ള സർവീസുകളുണ്ടാകും. കൂടാതെ ആ​ഗ്ര, അയോധ്യ, ബാ​ഗ്ഡോ​ഗ്രാ, ബെല​ഗവി, കൊൽക്കത്ത, പട്ന, രാജ്കോട്ട്, ശ്രീന​ഗർ, വാരണാസി, വിശാഖപട്ടണം തുടങ്ങി പ്രധാന ന​ഗരങ്ങളിലേക്കും നവി മുംബൈയിൽ നിന്ന് സർവീസുകളുണ്ടാകും. ഭാവ്ന​ഗറിൽ നിന്ന് നവി മുംബൈയിലേക്ക് ദിവസേന രണ്ട് നേരിട്ടുള്ള സർവീസുകൾ ഇന്നു മുതൽ ആരംഭിച്ചു. ഏപ്രിൽ 23 മുതൽ ജാം​ന​ഗറിലേക്കും സർവീസുകൾ ആരംഭിക്കും. ഇതോടെ അഹമ്മദാബാദ്, വഡോദര, സൂറത്ത്, രാജ്കോട്ട്, ഭാവ്ന​ഗർ, ജാംന​ഗർ തുടങ്ങിയ ​ന​ഗരങ്ങളിലേക്ക് 1400 ലധികം സർവീസുകളാണ് ഇൻ​ഡി​ഗോ നടത്തുന്നത്.