രാജ്യത്തെ ആദ്യത്തെ ബുള്ളറ്റ് ട്രെയിൻ; സർവീസ് 2027 ഓഗസ്റ്റ് മുതൽ

ന്യൂഡൽഹി: രാജ്യത്തെ ആദ്യത്തെ ബുള്ളറ്റ് ട്രെയിൻ 2027 ഓഗസ്റ്റ് മുതൽ സർവീസ് ആരംഭിക്കുമെന്ന് കേന്ദ്ര കേന്ദ്ര റെയിൽവേ മന്ത്രി അശ്വനി വൈഷ്ണവ്. 2029 ഡിസംബറോടെ ബുള്ളറ്റ് ട്രെയിനിന്റെ മുഴുവൻ പദ്ധതി പൂർത്തിയാകുമെന്ന് മന്ത്രി നേരത്തെ തന്നെ അറിയിച്ചിരുന്നു.

ബുള്ളറ്റ് ട്രെയിൻ സൂറത്തിൽ നിന്ന് ബിലിമോറ വരെയാണ് സർവീസ് നടത്തുക. മുംബൈ, താനെ, വിരാർ, ബോയ്സർ, വാപ്പി, ബില്ലിമോറ, സൂററ്റ്, ബറൂച്ച്, വഡോദര, ആനന്ദ്, അഹമ്മദാബാദ്, സബർമതി തുടങ്ങിയ 12 സ്റ്റേഷനുകളാണ് നിലവിൽ തീരുമാനിച്ചിരിക്കുന്നത്.

ജാപ്പനീസ് മന്ത്രി നകാനോ ഗുജറാത്ത് സന്ദർശിച്ച് പദ്ധതിയുടെ പ്രവർത്തനങ്ങൾ പരിശോധിച്ചെന്നും അശ്വനി വൈഷ്ണവ് പറഞ്ഞു. ട്രാക്കുകളുടെയും ഇലക്ട്രിക്ക് വയറിങ്ങുകളുടെയും പ്രവർത്തനങ്ങളാണ് ഇപ്പോൾ പുരോഗമിക്കുന്നത്.

2028 ൽ താനെ വരെ ബുള്ളറ്റ് ട്രെയിനുകൾ നീട്ടും 2029 ഓടെ മുംബൈയിലെത്തും എന്നാണ് പ്രഖ്യാപനം. മെഹ്സാനയിലെ സർവകലാശാലയിലെ പരിപാടിയിലെ പ്രസംഗത്തിനിടയിലായിരുന്നു പ്രഖ്യാപനം.