തദ്ദേശീയമായി വികസിപ്പിച്ച ലോങ് റേഞ്ച് ​ഗ്ലൈഡ് ബോംബ് പരീക്ഷണം വിജയം

ന്യൂഡൽഹി : രാജ്യത്ത് തദ്ദേശീയമായി വികസിപ്പിച്ചെടുത്ത ലോങ് റേഞ്ച് ​ഗ്ലൈഡ് ബോംബ് ​ഗൗരവിന്റെ പരീക്ഷണം വിജയകരമായി പൂർത്തീകരിച്ചു. ഡിഫൻസ് റിസർച്ച് ആൻഡ് ഡെവലപ്മെന്റ് ഓർ​ഗനൈസേഷനാണ് പരീക്ഷണ വിക്ഷേപണം നടത്തിയത്. സുഖോയ് യുദ്ധവിമാനത്തിൽ നിന്നായിരുന്നു പരീക്ഷണം. ഡിആർഡിഒ വികസിപ്പിച്ച 1000 കിലോയോളം ഭാരം വരുന്ന ​ഗ്ലൈഡ് ബോംബാണ് ​ഗൗരവ്. പല ഘട്ടങ്ങളിലായി പരീക്ഷിച്ചാണ് പ്രവർത്തനം വിലയിരുത്തിയത്. 100 കിലോമീറ്റർ വരെയുള്ള ലക്ഷ്യത്തിലേക്ക് കൃത്യമായി ആക്രമണം നടത്താൻ ശേഷിയുള്ള ഗ്ലൈഡ് ബോംബാണ് ഗൗരവ്. ഏപ്രിൽ 8 മുതൽ 10 വരെയാണ് പരീക്ഷണം നടത്തിയത്.