ഹരിയാനയിൽ എഡിജിപി വെടിയേറ്റ് മരിച്ച നിലയിൽ

ചണ്ഡി​ഗഡ്: ഹരിയാനയിൽ എഡിജിപി വെടിയേറ്റ് മരിച്ച നിലയിൽ. ഹരിയാന കേഡർ ഉദ്യയോ​ഗസ്ഥനായ പുരൺ കുമാർ ആണ് മരിച്ചത്. ചണ്ഡിഗഡിലെ സെക്ടർ 11ലുള്ള സ്വവസതിയിൽ പുരണിനെ വെടിയേറ്റ നിലയിൽ കണ്ടെത്തുകയായിരുന്നു. സ്വയം വെടിയുതിർത്ത് ജീവനൊടുക്കിയതാണെന്നാണ് പ്രാഥമിക നി​ഗമനം.

സീനിയർ പൊലീസ് സൂപ്രണ്ട് കൻവർദ്വീപ് കൗർ ഉൾപ്പെടെ പൊലീസ് സംഘം സ്ഥലത്തെത്തി നടപടികൾ ആരംഭിച്ചു. സ്വന്തം സർവീസ് തോക്കിൽ നിന്നും വെടിയേറ്റാണ് പുരൺകുമാറിന്റെ മരണം എന്ന് ദേശീയ മാധ്യമങ്ങൾ റിപ്പോർട്ട് ചെയ്തു.

2001 ബാച്ച് ഐപിഎസ് ഉദ്യോ​ഗസ്ഥനാണ് പുരൺ. റോഹ്തക് റേഞ്ച് എഡിജിപി ആയിരുന്നു. പിന്നീട് സെപ്റ്റംബർ 29 ന് റോഹ്തക്കിലെ സുനാരിയയിലുള്ള പൊലീസ് പരിശീലന കേന്ദ്രത്തിൽ (പിടിസി) ​ഐജി ആയി നിയമിച്ചിരുന്നു.

പുരണിന്റെ പങ്കാളി അമൻ പി കുമാർ ഐഎഎസ് ഉദ്യോഗസ്ഥയാണ്. ജപ്പാനിൽ ഔദ്യോഗിക യാത്രയിലുള്ള അവർ നാളെ വൈകുന്നേരം ഇന്ത്യയിലേക്ക് മടങ്ങും.