സിപിഐ എം ജനറൽ സെക്രട്ടറി എം എ ബേബി വത്തിക്കാൻ എംബസി സന്ദർശിച്ചു

ന്യൂഡൽഹി: സിപിഐ എം ജനറൽ സെക്രട്ടറി എം എ ബേബിയും സംസ്ഥാന സർക്കാറിൻ്റെ ഡൽഹിയിലെ പ്രത്യേക പ്രതിനിധി പ്രൊഫ. കെ വി തോമസും വത്തിക്കാൻ എംബസി സന്ദർശിച്ചു. ന്യൂൺഷ്യോയുടെ പ്രതിനിധി മോൺ. ജുവൽ സാവിയോ ഇരുവരെയും സ്വീകരിച്ചു. വത്തിക്കാൻ കാര്യലയത്തിലെ ഔദ്യോഗിക ഡയറിയിൽ എം എ ബേബി അനുശോചന സന്ദേശം രേഖപ്പെടുത്തി.

മാർപ്പാപ്പ ഇന്ത്യ സന്ദർശിക്കുന്ന വേളയിൽ അദ്ദേഹത്തെ കാണാൻ കഴിയും എന്ന പ്രതീക്ഷയിലായിരുന്നു. എന്നാൽ അതിന് കഴിഞ്ഞില്ലയെന്നും ഏറ്റവും ജനകീയനായ മാർപ്പാപ്പയായിരുന്നു ഫ്രാൻസിസ് പാപ്പയെന്നും ന്യൂൺഷ്യോയുടെ പ്രതിനിധിയുമായി നടത്തിയ കൂടിക്കാഴ്ചയിൽ എം എ ബേബി പറഞ്ഞു.