ജാർഖണ്ഡിൽ ഒഴിഞ്ഞുകിടന്ന പ്രദേശം വൃത്തിയാക്കുന്നതിനിടെ സ്ഫോടനം; മൂന്ന് പേർ മരിച്ചു

റാഞ്ചി: ജാർഖണ്ഡിലെ ഹസാരിബാഗിൽ ഒഴിഞ്ഞുകിടന്ന പ്രദേശം വൃത്തിയാക്കുന്നതിനിടയിലുണ്ടായ സ്ഫോടനത്തിൽ മൂന്ന് പേർ മരിച്ചു. സ്ഫോടന കാരണം വ്യക്തമല്ല. ഫോറൻസിക് സയൻസ് സംഘം സ്ഥലത്തെത്തി പരിശോധന നടത്തി. സ്ഫോടനത്തിൽ ഭർത്താവും ഭാര്യയും മറ്റൊരു സ്ത്രീയുമാണ് മരിച്ചതെന്നാണ് വിവരം.

പൊലീസും ഉന്നത ഉദ്യോ​ഗസ്ഥരും സ്ഥലത്തെത്തി അന്വേഷണം ആരംഭിച്ചു. അപകടത്തിൽ പരിക്കേറ്റവരെ സദർ ആശുപത്രിയിലേക്ക് മാറ്റിയെന്നും രണ്ടുപേരുടെ നിലഗുരുതരമാണെന്നും പൊലീസ് അറിയിച്ചു.