നന്ദിനി പാലിനെ തഴഞ്ഞ്‌ കർണാടക; അമൂലിന് കിയോസ്‌ക്കുകൾ തുറക്കാൻ അനുമതി

ബംഗളൂരു: സർക്കാർ ഉടമസ്ഥതയിലുള്ള നന്ദിനി ബ്രാൻഡിലുള്ള പാലിനെ തഴഞ്ഞ്‌ കർണാടകയിലെ കോൺഗ്രസ്‌ സർക്കാർ. പകരം ഗുജറാത്ത് ആസ്ഥാനമായുള്ള പാലുൽപ്പന്ന ബ്രാൻഡായ അമൂലിന് ബംഗളൂരുവിലെ 10 മെട്രോ സ്റ്റേഷനുകളിൽ കിയോസ്‌ക്കുകൾ തുറക്കാൻ അനുമതി നൽകി. ബംഗളൂരു മെട്രോ റെയിൽ കോർപ്പറേഷൻ ലിമിറ്റഡാണ് കിയോസ്കുകൾ സ്ഥാപിക്കാൻ അമൂലിന് അനുമതി നൽകിയത്. ഇതിനായി ടെൻഡർ വിളിച്ചിരുന്നു.

ബംഗളൂരുവിലെ പത്തിലധികം മെട്രോ സ്റ്റേഷനുകൾക്ക് സംസ്ഥാനത്തിന് പുറത്തുനിന്നുള്ള പാൽ ഉൽപന്നങ്ങൾ വിൽക്കാൻ അനുമതി നൽകിയിട്ടുണ്ട്. 2023 ലെ നിയമസഭാ തെരഞ്ഞെടുപ്പിൽ കോൺഗ്രസിന്റെ പ്രചാരണ ആയുധങ്ങളിൽ ഒന്നായിരുന്നു നന്ദിനി ബ്രാൻഡ്.

കർണാടക മിൽക്ക് ഫെഡറേഷൻ (കെഎംഎഫ്) 'നന്ദിനി' ബ്രാൻഡിലാണ് പാലുൽപ്പന്നങ്ങൾ വിപണനം ചെയ്യുന്നത്. മാർച്ചിൽ നന്ദിനി പാലിന്‌ ലിറ്ററിന്‌ നാല്‌ രൂപ കൂട്ടിയിരുന്നു.