print edition ഡൽഹിയിൽ 
വായുനിലവാരം 
‘അതീവഹാനികരം’

ന്യൂഡൽഹി: ​ഡൽഹിയിൽ വായുനിലവാരം അത്യന്തം ഹാനികരമായി തുടരുന്നു. പല മേഖലകളിലും വായുഗുണനിലവാര സ‍ൂചിക 400 കടന്നു. 39 നിരീക്ഷണകേന്ദ്രങ്ങളിൽ 22ലും സൂചിക 400ന്‌ മുകളില്‍. ഇ‍ൗ വായു ശ്വസിക്കുന്നത്‌ ഗുരുതര ആരോഗ്യപ്രശ്‌നങ്ങൾക്ക്‌ വഴിവയ്‌ക്കുമെന്ന്‌ ആരോഗ്യവിദഗ്‌ധർ മുന്നറിയിപ്പ്‌ നൽകുന്നു. ദീപാവലിക്കുശേഷം കൂപ്പുകുത്തിയ വായു നിലവാരം ‘അതീവഹാനികരം’ എന്ന അവസ്ഥയിൽ തുടുരുകയാണ്‌.

ബിജെപിയുടെ ‘ഡബിൾ എൻജിൻ’ സർക്കാർ വായുനിലവാരം മെച്ചപ്പെടുത്താനുള്ള നടപടി സ്വീകരിക്കുന്നതിൽ ദയനീയ പരാജയമാണെന്ന വിമർശവും രൂക്ഷമാണ്‌. വായുനിലവാരം ഒരോദിവസവും വഷളാകുമ്പോഴും ക്രൂരമായ നിസ്സംഗത പുലർത്തുന്ന സർക്കാരുകൾക്ക്‌ എതിരെ ജനരോഷം ശക്തമാകുകയാണ്‌. ഞായറാഴ്‌ച ഇന്ത്യാ ഗേറ്റിൽ പ്രതിഷേധപ്രകടനമുണ്ടായി. വായുനിലവാരം ഇത്രയും മോശമായിട്ടും പലസ്ഥലങ്ങളിലും ആളുകൾ പടക്കം പൊട്ടിക്കുന്നത്‌ തുടരുകയാണ്‌.