ഉമർ ഖാലിദിനും ഷർജീൽ ഇമാമിനും ജാമ്യനിഷേധം: യുഎപിഎ നിയമം മൂലം നീതി നടപ്പാക്കുന്നതിലുണ്ടായ പിഴവിന് ഉദാഹരണം: ലോയേഴ്സ് യൂണിയൻ

തിരുവനന്തപുരം: ഡൽഹി കലാപ ഗൂഢാലോചന കേസിൽ ഉമർ ഖാലിദിനും ഷർജീൽ ഇമാമിനും ജാമ്യം നിഷേധിച്ച സുപ്രീം കോടതി വിധി യുഎപിഎ നിയമം മൂലം നീതി നടപ്പാക്കുന്നതിൽ ഉണ്ടായ പിഴവിനും, ജീവനും വ്യക്തിസ്വാതന്ത്ര്യവും സംരക്ഷിക്കുന്നതിനുള്ള ഇന്ത്യൻ ഭരണഘടനയുടെ ആർട്ടിക്കിൾ 19, 21 എന്നിവയുടെ പശ്ചാത്തലത്തിൽ, നിയമപരമായ നിർദ്ദേശങ്ങൾക്കപ്പുറത്തേക്ക് പോകാനുള്ള ഉപകരണങ്ങൾ വികസിപ്പിക്കുന്നതിൽ പരാജയപ്പെട്ടതിനും ഉദാഹരണമാണെന്ന് ഓൾ ഇന്ത്യ ലോയേഴ്സ് യൂണിയൻ. വിചാരണയിലെ കാലതാമസം പ്രതിയുടെ ഭാഗത്തുനിന്നുള്ള ഏതെങ്കിലും തെറ്റോ കാരണമോ കൊണ്ടല്ലെന്നും സംഘടന വ്യക്തമാക്കി

യുഎപിഎ കുറ്റങ്ങളുടെയും പ്രോസിക്യൂഷന്റെയും പൊതുവായ പാത ഇതാണെങ്കിൽ, നിയമപുസ്തകത്തിൽ യുഎപിഎയുടെ നിലനിൽപ്പ് തന്നെ നീതിയുടെ ലംഘനത്തിനും ആർട്ടിക്കിൾ 14, 19, 21 എന്നിവയുടെ നഗ്നമായ ലംഘനത്തിനും കാരണമാകുന്നു; അതുകൊണ്ട് യുഎപിഎ പിൻവലിക്കണമെന്നും ലോയേഴ്സ് യൂണിയൻ ആവശ്യപ്പെട്ടു