ജാർഖണ്ഡിൽ സെപ്റ്റിക് ടാങ്ക് വൃത്തിയാക്കുന്നതിനിടെ നാല് പേർ ശ്വാസംമുട്ടി മരിച്ചു

റാഞ്ചി : ജാർഖണ്ഡിൽ സെപ്റ്റിക് ടാങ്ക് വൃത്തിയാക്കാൻ ശ്രമിക്കുന്നതിനിടെ നാല് പേർ ശ്വാസംമുട്ടി മരിച്ചു. നവാഡ ഗ്രാമത്തിലാണ് സംഭവം നടന്നതെന്ന് ഡിഐജി (പാലമു റേഞ്ച്) നൗഷാദ് ആലം പറഞ്ഞു. മരിച്ചവരിൽ മൂന്ന് പേർ സ​ഹോദരങ്ങളാണ്.

സഹോദരന്മാരായ അജയ് ചൗധരി (50), ചന്ദ്രശേഖർ ചൗധരി (42), രാജു ശേഖർ ചൗധരി (55), മാൽതു റാം എന്നിവരാണ് മരിച്ചത്. സെപ്റ്റിക് ടാങ്കിന്റെ മൂടി തുറക്കുന്നതിനിടെ വിഷവാതകങ്ങൾ ശ്വസിച്ചാണ് അപകടമുണ്ടായതെന്നാണ് പ്രാഥമിക നി​ഗമനം. അന്വേഷണം പുരോഗമിക്കുകയാണെന്നും മൃതദേഹങ്ങൾ പോസ്റ്റ്‌മോർട്ടത്തിന് അയച്ചതായും പൊലീസ് പറഞ്ഞു.