വിറങ്ങലിച്ച് ഡല്‍ഹി: താപനില 3 ഡിഗ്രി സെൽഷ്യസിലേക്ക് താഴാൻ സാധ്യത, ശീതതരംഗ മുന്നറിയിപ്പ്‌

ന്യൂഡല്‍ഹി > കടുത്ത തണുപ്പില്‍ വിറങ്ങലിച്ച് ഡല്‍ഹി. ഡിസംബർ 10 മുതൽ ഡൽഹിയിലെ താപനില 3 ഡിഗ്രി സെൽഷ്യസായി കുറയുമെന്ന് കേന്ദ്ര കാലാവസ്ഥാ വകുപ്പ് (ഐഎംഡി).  പഞ്ചാബ്, ഹരിയാന,  ഉത്തർപ്രദേശിന്റെ പടിഞ്ഞാറൻ  ഭാഗങ്ങളിലും ഡിസംബർ 14 വരെ  ശീതതരംഗത്തിന്‌ സാധ്യതയുള്ളതായി ഐഎംഡി അറിയിച്ചു.

നിലവിൽ ഡൽഹിയിലെ ഏറ്റവും കുറഞ്ഞ താപനില 7 ഡിഗ്രി സെൽഷ്യസാണ്.  വടക്കൻ മലനിരകളിലെ മഞ്ഞുവീഴ്ചയും സമതലങ്ങളിൽ നേരിയ മഴ പെയ്യാൻ സാധ്യതയുള്ളതും കൊണ്ട്‌  തണുപ്പ്‌ തീവ്രമാകുമെന്നാണ്‌ കാലാവസ്ഥാ വകുപ്പിന്റെ പ്രവചനം. ഇന്നലെയും ഇന്നുമായി  പെയ്യുന്ന മഴ  തണുപ്പിനെ കൂടുതൽ രൂക്ഷമാക്കിയേക്കാം എന്നും ഐഎംഡി അറിയിച്ചു.