കുരങ്ങുകളുടെ ആക്രമണം; മുംബൈയിൽ 2 പേർക്ക് പരിക്ക്

മഹാലക്ഷമി > കുരങ്ങുകളുടെ ആക്രമണത്തിൽ മുംബൈയിൽ റെയിൽവേ ജീവനക്കാരനും കുട്ടിക്കും പരിക്ക്. ബുധനാഴ്ച ഛത്രപതി ശിവാജി മഹാരാജ് ടെർമിനലിനും മഹാലക്ഷ്മിയിലെ റെസിഡൻഷ്യൽ സൊസൈറ്റിയിലുമാണ് കുരങ്ങുകളുടെ ആക്രമണം നടന്നത്. പരിക്കേറ്റ ഇരുവരെയും ചികിത്സക്കായി അടുത്തുള്ള ആശുപത്രിയിൽ പ്രവേശിപ്പിച്ചെന്ന് വനം വകുപ്പ് ഉദ്യോഗസ്ഥർ അറിയിച്ചു. വനം വകുപ്പ് ഉദ്യോഗസ്ഥരും റെസ്കിങ്ക് അസോസിയേഷൻ ഫോർ വൈൽഡ് ലൈഫ് വെൽഫെയർ റെസ്ക്യൂ ടീം അംഗങ്ങളും അക്രമണം നടന്ന പ്രദേശങ്ങളിലെത്തി. കുരങ്ങുകളെ പിടികൂടാനുള്ള ശ്രമങ്ങൾ തുടരുകയാണ്.