എംബിബിഎസ് സീറ്റ് വാ​ഗ്ദാനം ചെയ്ത് കോടികളുടെ തട്ടിപ്പ്; ഒരാൾ പിടിയിൽ

ചെന്നൈ > എംബിബിഎസ് സീറ്റ് വാ​ഗ്ദാനം ചെയ്ത് കോടികളുടെ തട്ടിപ്പ് നടത്തിയ സംഭവത്തിൽ ഒരാൾ പിടിയിൽ. പത്തനംതിട്ട സ്വദേശിയാണ് ചെന്നൈ വിമാനത്താവളത്തിൽ നിന്ന് പിടിയിലായത്. മലേഷ്യയിലേക്ക് കടക്കാൻ ശ്രമിക്കുന്നതിനിടെയാണ് ഇയാൾ പിടിയിലായത്.

തമിഴ്നാട്ടിലെ പ്രമുഖ കോളേജിൽ എംബിബിഎസ് സീറ്റ് വാ​​ഗ്ദാനം ചെയ്ത് കോടികളാണ് ഇയാൾ വിദ്യാർഥികളുടെ രക്ഷിതാക്കളിൽ നിന്നും തട്ടിയത്. വൈദികനാണെന്ന് പറഞ്ഞ് വിശ്വസിപ്പിച്ച ശേഷമായിരുന്നു തട്ടിപ്പ്. 60മുതൽ 80 ലക്ഷത്തോളം രൂപയാണ് ഇയാൾ രക്ഷകർത്താക്കളിൽ നിന്നും തട്ടിയെടുത്തിരുന്നത്.