ഉത്തർപ്രദേശിൽ പിക്ക് അപ്പ് വാനും ബസും കൂട്ടിയിടിച്ച് അപകടം; പത്ത് പേർ മരിച്ചു

ലക്ക്നൗ > ഉത്തർപ്രദേശിൽ ബുദൗ- മീററ്റ് സംസ്ഥാന പാതയിൽ പിക്ക് അപ്പ് വാനും ബസും കൂട്ടിയിടിച്ച് പത്ത് മരണം. സേലംപൂരിലാണ് അപകടം. അപകടത്തിൽ 27 പേർക്ക് പരിക്കേറ്റു. ​ഗാസിയബാദിൽനിന്നും സംഭാലിലേക്ക് പോയ പിക്ക് അപ്പ് വാൻ സ്വകാര്യ ബസിൽ ഇടിക്കുകയായിരുന്നു.  പരിക്കേറ്റവരെ ബുലന്ദ്ഷഹർ, മീററ്റ്, അലിഗർ എന്നിവിടങ്ങളിലെ ആശുപത്രികളിൽ പ്രവേശിപ്പിച്ചു. പരിക്കേറ്റവർക്ക് മികച്ച ചികിത്സ ഉറപ്പാക്കാൻ  ഉത്തർപ്രദേശ് മുഖ്യമന്ത്രി യോഗി ആദിത്യനാഥ് നിർദ്ദേശം നൽകിയതായി ഉദ്യോഗസ്ഥർ പറഞ്ഞു.